ပြည်သူ့လွှတ်တော်၊ အမျိုးသမီးနှင့် ကလေးသူငယ် အခွင့်အရေးဆိုင်ရာကော်မတီဥက္ကဋ္ဌ ဒေါက်တာဒေါ်ခင်စိုးစိုးကြည် National Democratic Institute (NDI) မှ Resident Program Assistant, Ms. Hana Hseita အား လက်ခံတွေ့ဆုံ

နေပြည်တော် ၁၈ ဒီဇင်ဘာ

ပြည်သူ့လွှတ်တော်၊ အမျိုးသမီးနှင့် ကလေးသူငယ်အခွင့်အရေးဆိုင်ရာ ကော်မတီဥက္ကဋ္ဌ ဒေါက်တာ ဒေါ်ခင်စိုးစိုးကြည်သည် National Democratic Institute (NDI) မှ Resident Program Assistant, Ms. Hana Hseita အား ယနေ့မွန်းလွဲ ၁ နာရီခွဲတွင် နေပြည်တော်ရှိ လွှတ်တော်ရေးရာဆောင်၊ အဆောင်အမှတ် (I-12) အစည်းအဝေးခန်းမ၌ လက်ခံတွေ့ဆုံသည်။

တွေ့ဆုံစဉ် ကနေဒါနိုင်ငံနှင့် တောင်အာဖရိကနိုင်ငံများရှိ အောက်လွှတ်တော်များ၏ အမျိုးသမီးနှင့် ကလေးသူငယ်အခွင့်အရေးဆိုင်ရာ ကော်မတီနှင့်ပတ်သက်၍ ဆောင်ရွက်နေသော သုတေသနအစီရင်ခံစာတို့အား တင်ပြသည်။ ထို့ပြင် စီးပွားဖြစ်လိင်လုပ်သားများနှင့် သက်ဆိုင်သော မူဝါဒအမျိုးအစားများကို NDI မှ ရှင်းလင်းတင်ပြပြီး ကော်မတီဝင်များမှ ရင်းနှီးပွင့်လင်းစွာ အမြင်ချင်းဖလှယ် ဆွေးနွေးခဲ့ကြသည်။

သတင်းစဉ်