ပြည်ထောင်စုဝန်ကြီး ဒေါက်တာမျိုးသိန်းကျော် Recreation Center ဖွင့်ပွဲ တက်ရောက်

နေပြည်တော် ဇူလိုင် ၃

သိပ္ပံနှင့်နည်းပညာဝန်ကြီးဌာန၊ အဆင့်မြင့်သိပ္ပံနှင့်နည်းပညာဦးစီးဌာန၊ Naypyitaw State Polytechnic University ၏ Recreation Center ဖွင့်ပွဲကို ယနေ့နံနက်ပိုင်းတွင် ကျင်းပရာ ပြည်ထောင်စုဝန်ကြီး ဒေါက်တာမျိုးသိန်းကျော်၊ အမြဲတမ်းအတွင်းဝန်နှင့် တာဝန်ရှိသူများက Recreation Center အဆောက်အအုံကို ဖွင့်လှစ်ပေးကြပြီး အဆောက်အအုံအတွင်း ကြည့်ရှုစစ်ဆေးသည်။

ယင်းနောက် NSPU မှ ကျောင်းသားများ၏ ချစ်ကြည်ရေးဘော်လီဘောပြိုင်ပွဲကို ကြည့်ရှုအားပေးပြီး ဖွင့်ပွဲတွင် ပါဝင်အားဖြည့်ကူညီကြသည့် ဖျော်ဖြေရေးအဖွဲ့များနှင့် ပြိုင်ပွဲဝင်ဘော်လီဘောအသင်းများကို ဂုဏ်ပြုချီးမြှင့်ငွေများ ပေးအပ်ခဲ့ကြောင်း သိရသည်။

သတင်းစဉ်