ပြည်ထောင်စုဝန်ကြီး ဦးစိုးဝင်း စင်ကာပူသံရုံး ဒုတိယအကြီးအကဲ သံမှူးအား လက်ခံတွေ့ဆုံ

နေပြည်တော် ၁ မတ်

စီမံကိန်းနှင့် ဘဏ္ဍာရေးဝန်ကြီးဌာန ပြည်ထောင်စုဝန်ကြီး ဦးစိုးဝင်းသည် ယနေ့ မွန်းတည့် ၁၂ နာရီတွင် တာဝန်ပြီးဆုံး၍ မြန်မာနိုင်ငံမှ ပြန်လည်ထွက်ခွာမည့် စင်ကာပူသံရုံး ဒုတိယအကြီးအကဲ သံမှူး Mr. Koh Chee Chain အား စီမံကိန်းနှင့်ဘဏ္ဍာရေးဝန်ကြီးဌာန၌ လက်ခံတွေ့ဆုံသည်။

ထိုသို့တွေ့ဆုံစဉ် စင်ကာပူနိုင်ငံနှင့် မြန်မာနိုင်ငံအကြား ပူးပေါင်းဆောင်ရွက် လျက်ရှိသည့် ကိစ္စရပ်များ၊ နှစ်နိုင်ငံအကြား ရင်းနှီးမြှုပ်နှံမှု၊ ပညာရေး၊ ဘဏ်လုပ်ငန်း ဆိုင်ရာနှင့် အခွန်ဆိုင်ရာ ကိစ္စများနှင့် စပ်လျဉ်း၍ ဆွေးနွေးခဲ့ကြကြောင်း သတင်းရရှိသည်။

(သတင်းစဉ်)