နေပြည်တော်    ဇူလိုင်    ၂

မြန်မာနိုင်ငံအိုလံပစ်ကော်မတီဥက္ကဋ္ဌ အားကစားရေးရာဝန်ကြီးဌာန ပြည်ထောင်စုဝန်ကြီး ဦးရဲမြင့်ထွန်းသည်   ပဲခူးတိုင်းဒေသကြီး  လွှတ်တော်ဥက္ကဋ္ဌ ဦးအောင်ချိုဦး၊ လွှတ်တော်ဒုတိယဥက္ကဋ္ဌ ဦးကျော်ဌေး၊ တိုင်းဒေသကြီး လူမှုရေးရာဝန်ကြီး ဒေါက်တာထူးခြားအောင်တို့နှင့်အတူ  ယနေ့နံနက်ပိုင်းတွင်  ပဲခူးတိုင်းဒေသကြီး   အားကစားဥယျာဉ်အတွင်းရှိ    အားကစားကွင်း/အားကစားရုံများနှင့်  Football  for  School အစီအစဉ်ဖြင့်   အားကစားနည်းအလိုက်  သင်တန်းသား သင်တန်းသူများ၏  လေ့ကျင့်နေမှုများကို   လိုက်လံကြည့်ရှုစစ်ဆေးသည်။

ဦးစွာ   Football for School အစီအစဉ်အဖြစ် အခြေခံဘောလုံးအားကစားသင်တန်း၊  အခြေခံလက်ဝှေ့အားကစားသင်တန်း၊ အခြေခံကရာတေးအားကစားသင်တန်းတို့တွင် အားကစားနည်းစနစ်များ စနစ်တကျလေ့ကျင့်သင်ကြားပေးနေမှုကို လိုက်လံကြည့်ရှုအားပေးပြီး သင်တန်း သားများအတွက် အားကစားပစ္စည်းများနှင့် အင်အားဖြည့် Royal-D အချိုရည်များကို ထောက်ပံ့ပေးအပ်သည်။

ကြည့်ရှုအားပေး

ထို့နောက် ဝေါမြို့နယ် အားကစားကွင်း/အားကစားရုံများကို လိုက်လံကြည့်ရှုစစ်ဆေးပြီး ဝေါမြို့နယ်အားကစားကွင်း၌ ကျင်းပသည့် မြို့နယ်စီမံခန့်ခွဲရေးနှင့် အုပ်ချုပ်ရေးကော်မတီဥက္ကဋ္ဌဖလား အမျိုးသား(အလွတ်) တန်း ဘောလုံးပြိုင်ပွဲတွင် ကျိုက်လှအသင်းနှင့် နောင်ပတ္တရာအသင်းတို့   အကြိတ်အနယ်ယှဉ်ပြိုင်ကစားနေမှုများကို   ကြည့်ရှုအားပေးခဲ့ကြောင်း သိရသည်။

သတင်းစဉ်