ဆီဆိုင် ၆ အောက်တိုဘာ    

ရှမ်းပြည်နယ်(တောင်ပိုင်း)၊ ပအိုဝ်းကိုယ်ပိုင်အုပ်ချုပ်ခွင့်ရဒေသ၊ ဆီဆိုင်မြို့နယ်၊ တောင်ရှေ့ကျေးရွာအုပ်စု၊ နောင်ထော်ကျေးရွာရှိ ပန်းပျိုးလက်ပရဟိတကျောင်းသို့ ဆီဆိုင်မြို့နယ် မေတ္တာရောင်ပြန်ပရဟိတ သွေးလှူရှင်အသင်း၊ ဖြူစင်နှလုံးသား သွေးလှူရှင်အသင်းနှင့် စေတနာရှင်အလှူရှင်များစုပေါင်း၍ ဆန်လှူဒါန်းခြင်းကို အောက်တိုဘာ ၆ ရက် နံနက် ၁၀ နာရီက အဆိုပါကျောင်း၌ ပြုလုပ်ခဲ့သည်။

ရှေးဦးစွာ ပန်းပျိုးလက်ပရဟိတကျောင်းမှ တာဝန်ခံ ဒေါ်အေးမိက ပန်းပျိုးလက် ပရဟိတကျောင်း တည်ထောင်ဖွင့်လှစ်သည့်သမိုင်းကြောင်း၊ ပန်းပျိုးလက်ပရဟိတကျောင်းတွင် စီမံခန့်ခွဲရသည့်လုပ်ငန်းများကို ရှင်းလင်းပြောကြားသည်။ 

ထို့နောက် ပန်းပျိုးလက် ပရဟိတကျောင်း အတွက် ဆန်(၅၆)အိတ်၊ ငါးပိဿာဆီ(၂)ပုံး၊  အချိုရည်၊ ပေါင်မုန့်နှင့် အလှူငွေကျပ် ၁၆၀ဝဝဝ တို့အား ပေးအပ်လှူဒါန်းခဲ့ပြီး စေတနာရှင်အလှူရှင်များအား ဂုဏ်ပြုမှတ်တမ်းဖြင့် ပြန်လည်ပေးအပ်ခဲ့သည်။ ယင်းနောက် ပန်းပျိုးလက် ပရဟိတကျောင်းရှိ ကျောင်းသား ကျောင်းသူ(၁၂၀)ဦးအား အာဟာရဒါနအဖြစ် နေ့လည်စာထမင်းကျွေးမွေးခဲ့ကြောင်း မြို့နယ်ပြန်/ဆက်မှ သိရသည်။
    
    
MDN