နေပြည်တော် ၁၉ ဧပြီ
မန္တလေးတိုင်းဒေသကြီး ညွှန်ကြားရေးမှူးနှင့် သစ်တောဝန်ထမ်းများ ရှမ်းပြည်နယ်မြောက်ပိုင်း၊ လက်ထောက်ညွှန်ကြားရေမှူးနှင့် သစ်တောဝန်ထမ်းများ မြန်မာနိုင်ငံရဲတပ်ဖွဲ့ဝင်များ၊ ကျေးရွာအုပ်ချုပ်ရေး အဖွဲ့ဝင်များ ပါဝင်သော ပူးပေါင်းအဖွဲ့သည် ဧပြီ ၁၅ ရက်က ဘန့်ဘွေးကျေးရွာ၊ ရပ်ကွက်(၄)ရပ်ကွက်ရှေ့ ကော်ဖီစိုက်ခြံ ခြံပိုင်ရှင်ဦးကိုလင်း၏ နေအိမ်ခြံဝင်းအတွင်းမှ တရားမဝင်ကျွန်း၊ တမလန်း၊ သစ်/ခွဲသား/ဓားရွေ (၁၀၂ဒသမ ၈၂၂) တန်နှင့် တရားမဝင်ပတ်လွှစက်(၄)လုံးတို့အား ဖမ်းဆီးရမိခဲ့သည်။
ထို့အတူ ဧပြီ ၁၈ ရက်က ပြည်ခရိုင် ပန်းတောင်းမြို့နယ်တွင် သစ်တောဦးစီးဌာန ဦးစီးအရာနှင့် သစ်တောဝန်ထမ်းများအဖွဲ့သည် ပန်းတောင်းမြို့နယ် ရပ်သာရွာ၏ ရှေ့မြောက်ဘက် (၂)မိုင်ခန့် အကွာနေရာမှ တရားမဝင်ကျွန်းခွဲသား (၆ဒသမ၂၁၅၆)တန် ပိုင်ရှင်မဲ့ဖမ်းဆီးရမိခဲ့ပြီး ပြစ်မှုကျူးလွန်သူများအား စုံစမ်းဖော်ထုတ်၍ ဥပဒေနှင့်အညီ ထိ ရောက်စွာအရေးယူနိုင်ရေးဆောင်ရွက်လျက်ရှိကြောင်း သစ်တောဦးစီးဌာနမှ သိရသည်။
(မောင်လူမော်)
