နေပြည်တော် ၂၁ ဇူလိုင်

စာရေးဆရာ ဖေမြင့်၏ “စိတ်ဓာတ်နှင့် နည်းနာ” စာအုပ် စာဖတ်ဝိုင်း ဆွေးနွေးခြင်းကို ယနေ့နံနက်ပိုင်းက နေပြည်တော်ကောင်စီနယ်မြေ ပျဉ်းမနားမြို့နယ် ပြန်ကြားရေးနှင့် ပြည်သူ့ဆက်ဆံရေးဦးစီးဌာန၊ အစည်းအဝေးခန်းမ၌ ကျင်းပခဲ့သည်။

အခမ်းအနားတွင် နေပြည်တော် ပြန်ကြားရေးနှင့် ပြည်သူ့ဆက်ဆံရေးဦးစီးဌာနမှ ဒုတိယညွှန်ကြားရေးမှူး ဒေါ်သင်းသင်းဇင်က အဖွင့်အမှာစကား ပြောကြားပြီး မြို့နယ်ဦးစီးမှူး ဦးဇော်ဖြိုးအောင်မှ စာဖတ်ဝိုင်းများ ပြုလုပ်ရခြင်း ရည်ရွယ်ချက်များကို ရှင်းလင်းပြောကြားသည်။

ထို့နောက် စာရေးဆရာ ဖေမြင့်၏ “စိတ်ဓာတ်နှင့် နည်းနာ” စာအုပ်နှင့် ပတ်သက်၍ ပျဉ်းမနားမြို့နယ်၊ စာအုပ်စာစောင် ချစ်မြတ်နိုးသူများအသင်း (Book Club) အဖွဲ့ဝင်များဖြစ်သည့် နေပြည်တော် စည်ပင်သာယာရေးကော်မတီမှ ဒုတိယညွှန်ကြားရေးမှူး ဦးတင်ဇော်ဝင်းမှ “တီထွင်သူများနှင့် ကြွက်ထောင်ချောက်’’ ခေါင်းစဉ်ဖြင့် လည်းကောင်း၊ လူမှုဝန်ထမ်းဦးစီးဌာနမှ ညွှန်ကြားရေးမှူး(ငြိမ်း) ဦးမောင်မောင်တာ (စာရေးဆရာ-သဘာဝ)က “ ရဲရဲတင်းတင်းသာလုပ်ပါ” ခေါင်းစဉ်ဖြင့် လည်းကောင်း၊ ဦးအောင်နိုင်ဦး (ကဗျာဆရာ-အောင်မိုး၊ ပျဉ်းမနား) မှ “လူငယ်နှင့် တိုးတက်ကြီးပွားရေး” ခေါင်းစဉ်တို့ဖြင့်  အသီးသီး ဆွေးနွေးခဲ့ကြသည်။

ယင်းနောက် စာအုပ်စာစောင် ချစ်မြတ်နိုးသူများအသင်း (Book Club)အဖွဲ့ဝင်များက စာရေးဆရာ ဖေမြင့်၏ “စိတ်ဓာတ်နှင့် နည်းနာ” စာအုပ်မှ မိမိတို့ဖတ်သားထားသည့် အကြောင်းအရာများကို ပြန်လည်မျှဝေ ဆွေးနွေးပေးခဲ့ကြောင်း သိရသည်။

ပျဉ်းမနား(ပြန်/ဆက်)