ကမမောင်း ၂၈ ဇွန်
ကရင်ပြည်နယ်၊ ဖာပွန်ခရိုင်၊ ကမမောင်းမြို့အတွင်းရှိ မြို့ပေါ်(၄)ရပ်ကွက်၌ ထောက်ပံ့ရန် ကျန်ရှိသည့် ပုံမှန်ဝင်ငွေ မရှိသော အိမ်ထောင်စုများအား နိုင်ငံတော်အစိုးရမှ ထောက်ပံ့သော အခြေခံ စားသောက်ကုန် (၅) မျိုးအတွက် ထောက်ပံ့ငွေများ ဆက်လက်ထောက်ပံ့ ပေးအပ်ခြင်းကို ယနေ့ (၁၀) နာရီတွင် ပြည်နယ်လွတ်တော် ကိုယ်စားလှယ် ဦးစောဝင်းထိန်၊ မြို့နယ်အုပ်ချုပ်ရေးမှူး ဦးအောင်မျိုးသန့်နှင့် ရပ်ကွက်အုပ်ချုပ်ရေးမှူးများက အိမ်တိုင်ရာရောက် သွားရောက်၍ ထောက်ပံ့ပေးအပ်ခဲ့သည်။
အခြေခံစားသောက်ကုန် ပစ္စည်း(၅)မျိုးအတွက် ထောက်ပံ့ရန် ကျန်ရှိသော အမှတ် (၂) ရပ်ကွက်၌ အိမ်ထောင်စု (၃၀)၊ အမှတ် (၃) ရပ်ကွက်၌ အိမ်ထောင်စု (၃၀)၊ အမှတ်(၄)ရပ်ကွက်၌ အိမ်ထောင်စု (၅၃) စု၊ စုစုပေါင်း (၁၁၃) အိမ်ထောင်စုတို့အတွက် အိမ်ထောင်စု တစ်စုလျှင် ငွေ (၁၅၀၀၀) ကျပ်နှုန်းဖြင့် စုစုပေါင်းငွေကျပ် (၁၆၉၅၀၀၀) ကို ကူညီထောက်ပံ့ ပေးအပ်ခဲ့ကြောင်း သိရှိရသည်။
လင်းသန့်(ပြန်/ဆက်)
