ပုသိမ်မြို့၌ အများပြည်သူဗဟုသုတများ ရရှိစေရန်ရည်ရွယ်၍ မြေစိုက်နံရံကပ်ပြဘုတ်တွင် အသိပညာပေးစာစောင်နှင့် နေ့စဉ်ထုတ်သတင်းစာများ ပြသထား

ပုသိမ်၊ ၁၄ ဇွန်

ပုသိမ်ခရိုင် ပြန်ကြားရေးနှင့် ပြည်သူ့ဆက်ဆံရေးဦးစီးဌာနမှ အများပြည်သူများ အသိပညာဗဟုသုတများ ပိုမိုတိုးပွားစေရန် ရည်ရွယ်၍ နံရံကပ်စာစောင်များနှင့် နေ့စဉ်ထုတ် သတင်းစာများကို ရုံးရှေ့ရှိ မြေစိုက်နံရံကပ်ပြဘုတ်တွင် နေ့စဉ်ပြသပေးလျက်ရှိသည်။

အဆိုပါ နံရံကပ်စာစောင်များတွင် သဘာဝဘေးနှင့် ပတ်သက်၍ ရေကြီးခြင်း၊ မြေပြိုခြင်း၊ မီးလောင်ခြင်း၊ မုန်တိုင်းဘေးနှင့် ငလျင်ဘေးအန္တရာယ်တို့နှင့် ကြုံတွေ့လာပါက ဆောင်ရန်၊ ရှောင်ရန် အရေးကြီးသည့်အချက်များ၊ ကိုဗစ်-၁၉ ရောဂါ ကြိုတင်ကာကွယ်ရေးအတွက် လိုက်နာရမည့်အချက်များနှင့် ရောဂါလက္ခဏာရပ်များကိုလည်း ပြည်သူများ ဗဟုသုတရရှိစေရေးအတွက် မြေစိုက်ဘုတ်တွင် ပြသဆောင်ရွက်ပေးထားသည်။ ၎င်းအပြင် ပြည်သူများ သတင်းအမှားများနှင့် သတင်းအမှန်များ ခွဲခြားသိရှိစေရန်နှင့် နေ့စဉ်သတင်း အချက်အလက်များကို သိရှိစေရန် ရည်ရွယ်၍ နေ့စဉ်ထုတ် မြန်မာ့အလင်းသတင်းစာနှင့် ကြေးမုံသတင်းစာများအား ပြသဆောင်ရွက်ထားရာ ပြည်သူများ နေ့စဉ်ကြည့်ရှုလျက်ရှိကြောင်း သိရသည်။

မောင်မောင်မြင့် (ပြန်/ဆက်)