ပုသိမ် ၂၅ နိုဝင်ဘာ
ပြည်သူ့ကျန်းမာရေးဦးစီးဌာနမှ ပုသိမ်မြို့နယ်အတွင်းရှိအသက် ၉ လမှ ၅ နှစ်ခွဲအထိဝက်သက်-ဂျိုက်သိုး ကာကွယ်ဆေး အပိုဆောင်း ထိုးနှံပေးခြင်းလုပ်ငန်းကို ၂၀၁၉ နိုဝင်ဘာလ ၂၆ ရက်နေ့ မှ ၂၈ ရက်နေ့အထိ ဆောင်ရွက်ပေးမည်ဖြစ်ပြီး ယခင်က ဝက်သက်-ဂျိုက်သိုး ကာကွယ်ဆေး ထိုးဖူးသည် ဖြစ်စေ၊ မထိုးဖူးသည်ဖြစ်စေ ကလေးအားလုံး ဝက်သက်-ဂျိုက်သိုး ကာကွယ်ဆေး(၁)ကြိမ်ထိုး နှံပေးသွားမည်ဖြစ်ကြောင်း သိရသည်။
ဝက်သက်-ဂျိုက်သိုး ကာကွယ်ဆေး အပိုဆောင်းထိုးနှံပေးခြင်းကို အများပြည်သူ ကျယ်ကျယ်ပြန့်ပြန့် သိရှိစေရေး ကြော်ငြာပိုစတာများ၊ လမ်းဖြတ် ဗီနိုင်းများဖြင့် မြို့တွင်းနေရာအနှံ့၌ ကြော်ငြာ ပေးထားကြောင်း ပြည်သူ့ကျန်းမာရေးဦးစီးဌာနမှ သိရှိရသည်။
တိုးဝေဇင်(တိုင်းပြန်ဆက်)
