ပင်လောင်း   နိုဝင်ဘာ ၅

ရှမ်းပြည်နယ်တောင်ပိုင်း၊ ပအိုဝ်းကိုယ်ပိုင်အုပ်ချုပ်ခွင့်ရဒေသ၊ ပင်လောင်းမြို့နယ်၊ ပေါင်းလောင်းမြို့၊ ပေါင်းလောင်းတိုက်နယ်ပြည်သူ့ဆေးရုံသို့ ကိုဗစ်-၁၉ ရောဂါ ကာကွယ် ထိန်းချုပ်ရေး၊ ကုသရေးတွင် အသုံးပြုနိုင်ရန် ကျန်းမာရေးသုံး အထောက်

အကူပြု ပစ္စည်းများ ဖြစ်သည့် SL Oxygen Concentrator (၃)လုံးကို ယမန်နေ့ညနေပိုင်းတွင်  သွားရောက်လှူဒါန်းသည်။

ရှမ်းပြည်နယ်အစိုးရအဖွဲ့မှ ပင်လောင်းမြို့နယ်ပေါင်းလောင်းတိုက်နယ်ပြည်သူ့ဆေးရုံသို့ လှူဒါန်းသည့် SL Oxygen Concentrator (၃)လုံးကို ရှမ်းပြည်နယ်အစိုးရအဖွဲ့ကိုယ်စား ပင်လောင်းမြို့နယ်ကုသရေးနှင့်ပြည်သူ့ကျန်းမာရေးဦးစီးဌာနမှူး ဒေါက်တာခင်သိန်းထွေး ကပေးအပ်လှူဒါန်းပြီး  ပေါင်းလောင်းတိုက်နယ်ဆေးရုံမှ ဒေါက်တာအောင်နိုင်ထွန်းက လက်ခံရယူခဲ့‌‌ကြောင်းသိရသည်။

ထွန်းလင်း(ပင်လောင်း)