တောင်ကြီး ၂၃ ဧပြီ
မြန်မာနိုင်ငံ၏ ရှမ်းပြည်နယ်(တောင်ပိုင်း)တောင်ကြီးခရိုင်အတွင်း ယခုနှစ်နွေရာသီ၌ အပူချိန်ပိုမိုများပြားလျက်ရှိရာ သောက်ရေသုံးရေ အခက်အခဲများ ဖြစ်ပေါ်လျက်ရှိသည်။ ရှမ်းပြည်နယ် အစိုးရအဖွဲ့ဝန်ကြီးများနှင့် စေတနာရှင် အလှူရှင်များက ယနေ့မွန်းလွဲ ၁ နာရီက ရေအခက်အခဲဖြစ်ပေါ်နေသည့် တောင်ကြီးမြို့ပေါ် ရပ်ကွက်နှင့် အောင်သပြေကျေးရွာများတွင် ပြည်သူ့များအား မီးသတ်ရေသယ်ယာဉ်နှင့် ရေကားများဖြင့် သွားရောက်လှူဒါန်း ပေးခဲ့ကြောင်း သိရသည်။
တောင်ကြီးခရိုင်အတွင်း၌ ကလောမြို့နယ်၊ ဟဲဟိုးမြို့၊ လည်ခေါင်းကျေးရွာမှ အိမ်ခြေ(၁၃၅)လူဦးရေ ၇၀ဝ ခန့်၊တောင်ကြီးမြို့နယ်၊ အောင်သပြေရပ်ကွက်(၃)တွင် အိမ်ခြေ ၂၁၃ လူဦးရေ ၈၂၀၊ တောင်ကြီးမြို့ပေါ်ရပ်ကွက်၊ ရွှေတောင်ရပ်ကွက်၊ နယ်မြေ(၁)တွင် လူဦးရေ ၂၀ဝ၀ တို့အား သောက်သုံးရေ နည်းပါးမှု အခက်အခဲများကို ရှမ်းပြည်နယ် အစိုးရအဖွဲ့ဝန်ကြီးများနှင့် အလှူရှင်များက သွားရောက်လှူဒါန်းခဲ့ကြောင်း သိရသည်။
တောင်ကြီးမြို့နယ်၊ ကွန်လုံကျေးရွာအုပ်စု၊ ဟိုနားကျေးရွာတွင် ပြည်သူဝန်ဆောင်မှုရုံး (One Stop Shop) ရွေ့လျားဝန်ဆောင်မှု ကွင်းဆင်းဆောင်ရွက်မှုများကို ရှမ်းပြည်နယ်အစိုးရအဖွဲ့မှ ပြည်နယ်ဝန်ကြီးများနှင့် ပြည်နယ်/ခရိုင်/မြို့နယ်အဆင့် ဌာနဆိုင်ရာအကြီးအကဲတို့က ကွင်းဆင်းဆောင်ရွက်မှုများကို သွားရောက်ကြည့်ရှု အားပေးခဲ့ကြကြောင်း သိရသည်။
ပြည်သူဝန်ဆောင်မှုရုံး (One Stop Shop) ရွေ့လျားဝန်ဆောင်မှု ကွင်းဆင်းဆောင်ရွက်မှုများတွင် ရှမ်းပြည် နယ်အစိုးရအဖွဲ့ဝန်ကြီးများတို့က မှတ်ပုံတင်ကပ်ပြားများနှင့် ကျေးရွာ ပုံစံ-၇ များကိုပေအပ်ရာ ဒေသခံပြည်သူများက လက်ခံရယူခဲ့ကြကြောင်း သိရသည်။
စိုင်းသန်းကျော်(တောင်ကြီး)
