ရန်ကုန် ဧပြီ ၁၅
ရန်ကုန်တိုင်းဒေသကြီး၊ ကျောက်တံတားခရိုင်၊ ဒဂုံမြို့နယ် ပြည်အရှေ့ရပ်ကွက် ပြည်လမ်းရှိ ပြည်သူ့ရင်ပြင်၌ ၁၃၈၄ ခုနှစ် မြန်မာ့ရိုးရာယဉ်ကျေးမှုမဟာသင်္ကြန်ပွဲတော်ကို ရေကစားကြသူများ၊ ရေပတ်ခံထွက်ကြသူများဖြင့် အေးချမ်းပျော်ရွှင်စွာ ဆင်နွှဲလျက်ရှိရာ မဏ္ဍပ်များတွင်လည်း ယိမ်းအက အလှများဖြင့် ကပြဖျော်ဖြေခြင်း၊ ရေကစားကြခြင်းဖြင့် မဟာသင်္ကြန်ပွဲတော်ကို ယနေ့ သင်္ကြန်အကြတ်နေ့တွင်လည်း အေးချမ်းပျော်ရွှင်စွာ ပါဝင်ဆင်နွှဲလျက်ရှိကြသည်။
ဒဂုံမြို့နယ်တွင် မဟာသင်္ကြန်ပွဲတော်ကို ဧပြီ ၁၃ ရက် သင်္ကြန်အကြိုနေ့မှ ၁၆ ရက် သင်္ကြန် အတက်နေ့အထိ ပြည်သူ့ရင်ပြင်ရှိရေကစားမဏ္ဍပ်၌ ယိမ်းအကအလှများ၊ ခေတ်ပေါ်တေးဂီတ သီဆို ဖျော်ဖြေမှုများဖြင့် ဧည့်ခံဖျော်ဖြေပေးသွားမည်ဖြစ်ပြီး လမ်းလျှောက်သင်္ကြန်နှင့် စတုဒိသာကျွေးမွေး ခြင်းများကိုလည်း နေ့စဉ်လှူဒါန်းလျက်ရှိကြောင်း သိရသည်။
ကြည်ဇေသော်
