ရန်ကုန် ၂၅ ဇန်နဝါရီ

(၆)ကြိမ်မြောက် Yangon Pride 2020 အခမ်းအနားကို ဇန်နဝါရီ ၂၄ ရက်မှ ၂၆ ရက်ထိ ရန်ကုန်မြို့ သခင်မြပန်းခြံ၌ ကျင်းပပြုလုပ်လျက်ရှိရာ ထွန်းအိန္ဒြာဗိုလ်၊ နီနီခင်ဇော်နှင့် ဖြူဖြူကျော်သိန်းတို့၏ သီဆိုဖျော်ဖြေမှုများနှင့် အကများ၊ ရုပ်ရှင်များ၊ ဓာတ်ပုံပြပွဲများဖြင့် စည်ကားသိုက်မြိုက်စွာ ပြုလုပ်လျက်ရှိကြောင်း သိရသည်။

ထို့အပြင် Pride ပွဲတော်ကို ဇန်နဝါရီ ၃၁ ရက်မှ ဖေဖော်ဝါရီ ၂ ရက်အထိ ပြင်သစ်ယဉ်ကျေးမှုဌာနတွင် ရုပ်ရှင်များ၊ စကားဝိုင်းများ ပြဇာတ်များ၊ အဆိုတော် Ar-T၊ ထိုင်းနိုင်ငံမှ နာမည်ကြီး Drag Queen များဖြင့် ဖျော်ဖြေတင်ဆက်သွားမည်ဖြစ်ပြီး မည်သူမဆိုအခမဲ့ လာရောက်ကြည့်ရှုနိုင်ကြောင်း သိရသည်။ Yangon Pride ပွဲတော်ကို နယ်သာလန်သံရုံး၊ ယူကေသံရုံးနှင့် HBF ဖောင်ဒေးရှင်းတို့က ကူညီပံ့ပိုးပေးထားကြောင်း သိရသည်။

သတင်းနှင့်ဓာတ်ပုံ- အာကာလင်း