ရန်ကုန် ၁၉ ဒီဇင်ဘာ
ရန်ကုန်တိုင်းဒေသကြီး တရားလွှတ်တော် တရားသူကြီး ဒေါ်သင်းသင်းနွဲ့သည် ရန်ကုန်တိုင်းဒေသကြီး တရားရေးဦးစီးမှူး ဦးကျော်စွာငြိမ်း၊ ရုံးအဖွဲ့မှူး၊ ခရိုင်နှင့် မြို့နယ် တရားသူကြီးတို့နှင့်အတူ ယနေ့နံနက်က အင်းစိန်(ဗဟို)အကျဉ်းထောင်သို့ သွားရောက် ကြည့်ရှုစစ်ဆေးသည်။
ထို့နောက် တရားသူကြီး ဒေါ်သင်းသင်းနွဲ့သည် အင်းစိန်(ဗဟို)အကျဉ်းထောင်ရှိ အကျဉ်းသားများနှင့်တွေ့ဆုံ၍ ဥပဒေပါ အခွင့်အရေးများ ခံစားရရှိခွင့် ရှိ၊ မရှိ၊ ၎င်းတို့၏ နေထိုင်စားသောက်ရေး၊ ကျန်းမာရေးနှင့် အသက်မွေးမှု အတတ်ပညာသင်ကြားပေးမှု တို့ကို ဆွေးနွေးမေးမြန်းပြီး လိုအပ်သည်များကို တာဝန်ရှိသူများအား မှာကြားသည်။
(သတင်းစဉ်)
