သဘာဝဘေးကျရောက်မှုကြောင့် ပျက်စီးခဲ့သည့် ပြောင်းစိုက်ခင်းများအတွက် ထောက်ပံ့ငွေများပေးအပ်

ရပ်စောက် ၁၉ အောက်တိုဘာ

ရှမ်းပြည်နယ်တောင်ပိုင်း၊ ရပ်စောက်မြို့နယ် ကျောက်ဂူစံပြကျေးရွာအုပ်ချုပ်ရေးမှူးရုံး၌ ယမန်နေ့ နံနက်က သဘာဝဘေးအန္တရာယ်ကြောင့် ပျက်စီးဆုံးရှုံးခဲ့ရသည့် အစေ့ထုတ်ပြောင်းသီးနှံစိုက်ခင်း များအတွက် ထောက်ပံ့ငွေပေးအပ်ခြင်း အခမ်းအနားကို ကျင်းပခဲ့သည်။

အခမ်းအနားတွင် မြို့နယ်စီမံခန့်ခွဲမှုကော်မတီ ဥက္ကဋ္ဌ ဦးသိန်းဇော်ဝင်းက အမှာစကားပြောကြားပြီး မြို့နယ်စိုက်ပျိုးရေးဦးစီးဌာန၊ ဦးစီးအရာရှိ ဦးမောင်မောင်ဦးက ထောက်ပံ့ငွေပေးအပ်ရခြင်းနှင့် ပတ်သက်၍ ရှင်းလင်းသည်။

ထို့နောက် ရပ်စောက်မြို့နယ်အတွင်း ၂ဝ၁၈-၂ဝ၁၉ခုနှစ်တွင် သဘာဝဘေးအန္တရာယ်ကျရောက်မှုဖြင့် ပျက်စီးခဲ့ရသည့် ပြောင်းသီးနှံစိုက်ခင်း ၁၂၁ ဧက အတွက် တစ်ဧကလျှင် တစ်သောင်းကျပ်နှုန်းဖြင့် ငွေကျပ် (၁၂,၁ဝဝဝဝိ)အား ပြောင်းစိုက်တောင်သူ ၄၅ ဦးထံသို့ မြို့နယ်စီမံခန့်ခွဲမှုကော်မတီ ဥက္ကဋ္ဌနှင့် တာဝန်ရှိသူတို့ကပေးအပ်ခဲ့ကြကြောင်း မြို့နယ်ပြန်/ဆက်မှ သိရသည်။

MDN