“သွေးချင်းတို့ရဲ့ပွဲတော်ဆီ” တိုင်းရင်းသားရိုးရာ ယဉ်ကျေးမှုနှင့် ခရီးသွားလုပ်ငန်း မြှင့်တင်ရေးပွဲတော်ကို ကျိုက္ကဆံကွင်း၌ စည်ကားသိုက်မြိုက်စွာ ကျင်းပသွားမည်

နေပြည်တော် ၁၂ ဇန်နဝါရီ

“သွေးချင်းတို့ရဲ့ပွဲတော်ဆီ” ဟု အမည်ပေးထားသည့် တိုင်းရင်းသားရိုးရာ ယဉ်ကျေးမှုနှင့် ခရီးသွားလုပ်ငန်း မြှင့်တင်ရေးပွဲတော်ကို မြန်မာနိုင်ငံ တိုင်းရင်းသား လုပ်ငန်းရှင်များအသင်းက ကြီးမှူး၍ ဇန်နဝါရီ ၂၅ ရက်မှ ၂၉ ရက်အထိ ရန်ကုန်တိုင်းဒေသကြီးရှိ ကျိုက္ကဆံကွင်း၌ စည်ကားသိုက်မြိုက်စွာ ကျင်းပသွားမည်ဖြစ်ကြောင်း သိရသည်။

ပွဲတော်မုခ်ဦးဖွင့်ပွဲ အခမ်းအနားကို ဇန်နဝါရီ ၂၅ ရက် နံနက် ၈ နာရီတွင် လည်းကောင်း၊ ပွဲတော်ဖွင့်ပွဲအခမ်းအနားကို ညနေ ၅ နာရီတွင် လည်းကောင်း အဆိုပါပွဲတော်ကျင်းပရာ ကျိုက္ကဆံကွင်း၌ ကျင်းပသွားမည်ဖြစ်သည်။

မောင်မောင်မျိုး