ရေးသားသူ Kyaw Thura Htun
ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win.
သင်သွေးတိုးခဏခဏစစ်ပါသလား ? သင့်သွေးတိုးက မြင့်လိုက်၊ ပုံမှန်ဖြစ်လိုက်၊ ကျလိုက်ဖြစ်နေတာကို တွေ့ရပါသလား? ဒါကသင့်မှာ သွေးတိုးအကြိုဖြစ်ဖူးတာကို ဆိုလိုတာပါ။ သွေးတိုး အကြိုနဲ့ သွေးတိုးနှစ်ခုလုံးက နှလုံးနဲ့ လေဖြတ်ခြင်းတို့အတွက် ဆိုးရွားတဲ့ရောဂါတွေပါ။ လူငယ်တွေမှာမဖြစ်ဘူးလို့မထင်ပါနဲ့။ ငယ်ရွယ်စဉ်တည်းက ဘဝကအလုပ်များပြီး စိတ်ဖိစီးမှုတွေများခြင်းက သွေးတိုးဖြစ်ခြင်းကို ပိုမြန်စေပါတယ်။
ဒီရောဂါကိုမဖြစ်စေဖို့က အောက်ပါအချက်တွေကို လိုက်နာပါ။
ကျန်းမာစွာစားသုံးပါ။
အစားအစာဆိုတာ ကျွန်တော်တို့ အသက်ရှင်နေထိုင်ဖို့အတွက် လိုအပ်တဲ့အရာတစ်ခုပါ။ ဒါပေမယ့် အစားအစာအရွေးမတတ်ရင် သင်ရောသင့်မိသားစုပါ ထိခိုက်နိုင်ပါတယ်။ ဒါ့ကြောင့် အခုကစပြီး ဆိုဒီယမ်နည်းနည်းနဲ့ ပိုတက်ဆီယမ် များများပါတဲ့ အစားအသောက်ပုံစံကို ပြောင်းလဲရပါမယ်။
အကြောင်းက ပိုတက်ဆီယမ်က သွေးတိုးကျစေလို့ပါ။ ဒါ့အပြင် အသီးနဲ့ ဟင်းသီးဟင်းရွက် တွေလည်း စားသင့်ပါတယ်။ အဆီများတဲ့အသားတွေစားမယ့်အစား အဆီနည်းတဲ့ငါးတွေ ကြက်ဘဲတွေကို စားသင့်ပါတယ်။ တခြားအဆီတွေကိုလည်း ရှောင်သင့်ပါတယ်။
ဆားဖြတ်ပါ
အမေရိကန်တွေအတွက် အစားအသောက်လမ်းညွှန်ချက်မှာတော့ အရွယ်ရောက်ပြီးသူတစ်ယောက်ဟာ တစ်နေ့ကိုဆား၂၃၀ဝ မိလီဂရမ်အောက် စားလို့ရပါတယ်။ အသက် ၅၁ အထက်လူတွေမှာတော့ တစ်ရက်ကို ဆား ၁၅၀ဝ မီလီဂရမ်ပဲ စားလို့ရပါတယ်။ ဆားကိုဘယ်လိုလျှော့စားရမလဲ ? အောက်ပါနည်းတွေကိုသုံးပါ။
• စားသောက်ကုန်တစ်ခူချင်းစီမှာ စာတန်းထိုးထားတဲ့ ဆားပါဝင်မှုကို သေချာဖတ်ပါ။ ဒါမှ သင်က တခြားစားသောက်ကုန်တွေနဲ့ ယှဉ်ကြည့်နိုင်ပြီး ဆိုဒီယမ်ပါဝင်မှုအနည်းဆုံးကို ရွေးနိုင်မှာပါ။
• အသင့်စားအစားအစာတွေ မစားတော့ဘဲ အပြင်ထွက်စားပါ။
• အဆင့်ဆင့်ပြုလုပ်ထားတဲ့ အစားအစာတွေ သိပ်မစားပါနဲ့ ဥပမာ–ကြက်အူချောင်း၊ ဝက်သားပြား ဒါမှမဟုတ် အေးခဲထားတဲ့ ထမင်းဘူးနဲ့ အသင့်စားခေါက်ဆွဲပြုတ်
• နေ့စဉ် ချက်ပြုတ်ရာမှာလည်း ဆားလျှော့ပါ။
• လေ့ကျင့်ခန်းများများလုပ်ပါ။
သွေးတိုးကျစေဖို့ ကိုယ်လက်လှုပ်ရှားပေးခြင်းက နည်းလမ်းတစ်မျိုးပါဘဲ။ ဒါက စိတ်ဖိစီးမှုကင်းစေတဲ့အပြင် နှလုံးသွေးကြော၊ ကြွက်သား၊ အရိုးနဲ့ သွေးလည်ပတ်မှုနဲ့ပတ်သက်တဲ့ ပြဿနာတွေ ကာကွယ်ပေးပါတယ်။ အရွယ်ရောက်ပြီးသူတွေက တစ်နေ့ကို ကြံ့ခိုင်စေတဲ့လေးကျင့်ခန်းတွေကို ၁၅ မိနှစ်နှုန်းနဲ့ သာမန်အေရိုးဗစ် လေ့ကျင့်ခန်းတွေကိုတော့ တစ်နေ့ မိနစ် ၃၀ နှုန်းလုပ်ပေးသင့်ပါတယ်။
တကယ်လို့ သင်ကအလုပ်များသူဆိုရင် မနက်ခင်းလမ်းလျှောက်တာတို့ ပြေးတာတို့လုပ်နိုင်ပါတယ်။ သင့်ကျန်းမာရေးကို ကာကွယ်ဖို့အတွက် လေ့ကျင့်ခန်း တစ်ရက်နည်းနည်းစီတော့ လုပ်ပေးဖို့လိုပါတယ်။
ကိုယ်အလေးချိန်ထိန်းပါ
အပေါ်ကပြောသွားတဲ့ ကိုယ်လက်လှုပ်ရှားတာကလည်း ကိုယ်အလေးချိန် ကျစေပါတယ်။ တကယ်လို့သင်က အဝလွန်နေရင် တစ်နေ့ကို အဆီ ၂ ဒသမ ၃ ကီလိုဂရမ်ကျစေတာက အဆင်ပြေပါတယ်။ သင့်တော်တဲ့ ကိုယ်အလေးချိန်မှာရှိတာက သင့်ကိုသွေးတိုးနဲ့ တခြားရောဂါတွေဆီက ကာကွယ်ပေးနိုင်ပါတယ်။
အရက်သောက်တာ ကန့်သတ်ချက်ထားပါ
အရက်က သွေးတိုးစေတဲ့ အကြောင်းအရင်းဖြစ်တဲ့အပြင် အသည်းထိခိုက်စေတဲ့ အကြောင်း အရင်းတစ်ခုပါ။ အမျိုးသမီးအရွယ်တိုင်းက တစ်နေ့ကို အရက်တစ်ခွက်သောက်နိုင်ပြီး အသက် ၆၅ နှစ်အောက် အမျိုးသားတွေကတော့ တစ်ရက်နှစ်ခွက် သောက်နိုင်ပါတယ်။ ဒါပေမယ့် အရက်အစား အယ်လ်ကိုဟောပါဝင်မှုနည်းတဲ့ဝိုင်ကို သောက်သုံးနိုင်ပါတယ်။ ဒါပေမယ့် တန်ဆေး လွန်ဘေးပါ။
စိတ်ဖိစီးမှုလျှော့ချပါ
ဒီနေ့ခေတ်မှာ စိတ်ဖိစီးမှုတွေ အဖြစ်များကြပါတယ်။ လူတိုင်းလိလိုက အလုပ်၊ ဖျားနာမှု၊ မိသားစုနဲ့ ဆက်ဆံရေးတွေကြောင့် စိတ်ဖိစီးဖူးကြပါတယ်။ ဒီလိုစိတ်ဖိစီးတာကို ရှောင်ကြဉ်ဖို့အတွက် သင့်နေထိုင်မှုပုံစံကို ပြောင်းလဲလိုက်ပါ။
ဥပမာ – လေ့ကျင့်ခန်းမှန်မှန်လုပ်ခြင်း၊ အိပ်ရေးဝဝအိပ်ခြင်း၊ အသက်ရှူလေ့ကျင့်ခန်းလုပ်ခြင်း၊ ဒေါသထိန်းချုပ်ခြင်းတွေ ဖြစ်ပါတယ်။ ဒါကြောင့် အတတ်နိုင်ဆုံး စိတ်ဖိစီးမှုကို လျှော့ကြပါ။
သွေးတိုးမှန်မှန်စစ်ပါ
သွေးတိုးစစ်ဖို့ ဆေးရုံသွားစရာမလိုပါဘူး။ အိမ်မှာ သွေးတိုးတိုင်းကိရိယာ ဝယ်တိုင်းနိုင်ပါတယ်။ တစ်ရက်နှစ်ကြိမ် တိုင်းသင့်ပါတယ်။ မနက်နဲ့ညပါ။ မှတ်ထားရမှာက မတိုင်းခင် ဆေးလိပ်သောက်ခြင်း၊ ကော်ဖီသောက်ခြင်း၊ မျက်စဉ်းဆေးခတ်ခြင်း စတာတွေမလုပ်ထားရပါဘူး။ ဒါတွေက ရလဒ်ကိုသက်ရောက်စေလို့ပါ။ တကယ်လို့ဒါကို သင်မှန်မှန်လုပ်ရင် အလေ့အကျင့် ရလာမှာပါ။
"ယခုဆောင်းပါးကို Myanmar Digital News ၏ မိတ်ဘက်ဖြစ်သည့် ကျန်းမာရေးနှင့်ဆေးပညာဝက်ဘ်ဆိုဒ် Helloဆရာဝန် www.hellosayarwon.com မှ ကူးယူဖော်ပြခြင်းဖြစ်ပါသည်"
