ရန်ကုန် ၁၄ အောက်တိုဘာ
ရန်ကုန်အရှေ့ပိုင်း တက္ကသိုလ် ကင်းထောက်အဖွဲ့က ဦးဆောင်၍ တက္ကသိုလ်အသီးသီးမှ ကင်းထောက် လူငယ်များ စုပေါင်းပြီး သီတင်းကျွတ်လပြည့်နေ့တွင် သန်လျင်မြို့နယ်ရှိ သဘာဝ တရားရိပ်သာ ဘိုးဘွားများဂေဟာတွင် စုပေါင်းလုပ်အားဒါန ကုသိုလ်ကောင်းမှုပြုကြသည်။
တက္ကသိုလ် ကင်းထောက်လူငယ်များသည် သဘာဝတရားရိပ်သာရှိ အဘိုးအဘွားများအား ဆံပင် ညှပ်ပေးခြင်း၊ ရေချိုးပေးခြင်း၊ နေရာထိုင်ခင်းများ သန့်ရှင်းရေး ပြုလုပ်ပေးခြင်း၊ သန့်စင်ခန်းများ ဆေးကြောပေးခြင်းအပြင် အလှူငွေများ လှူဒါန်းကြကြောင်း သိရသည်။
(သတင်းစဉ်)
