ရန်ကုန်  ဇူလိုင်  ၁

Covid-19 ရောဂါကူးစက်ပျံ့နှံ့မှုများလာမှုကြောင့် သင်္ဃန်းကျွန်းမြို့နယ်အတွင်းရှိ အများပြည်သူ များ Covid-19 အသိ၊ သတိနှင့်အတူ သွားလာနေထိုင်မှု ရှိစေရန် ရည်ရွယ်၍ ယနေ့နံနက် ၈ နာရီက ဦးဘဟန်လမ်းနှင့် ရပ်ကွက်များအတွင်းသို့ Mask Campaign နှင့် အသိပညာပေးခြင်းလုပ်ငန်းများ ကိုဆောင်ရွက် ခဲ့ကြသည်။

ထိုသို့ဆောင်ရွက်ရာတွင် မြို့နယ်စီမံအုပ်ချုပ်ရေးအဖွဲ့ဥက္ကဋ္ဌ ဦးကံထူး၊ အဖွဲ့ဝင်(၁) ဗိုလ်မှူး ညီဖြိုးဝေနှင့် အဖွဲ့ဝင်များ၊ ရပ်မိရပ်ဖများ၊ ဌာနဆိုင်ရာများ၊ မြို့နယ်မိခင်နှင့် ကလေးစောင့်ရှောက်ရေး အဖွဲ့ဝင်များ၊ မြို့နယ်ကြက်ခြေနီတပ်ဖွဲ့ဝင်များမှ နှာခေါင်စည်း(Mask)အခုရေ (၂၀၀၀)ခန့်အား လမ်းသွားလမ်းလာ ပြည်သူများ၊ ရပ်ကွက်နေပြည်သူများအား မျှဝေပေးခြင်းနှင့် Covid-19 အသိပညာပေးခြင်းတို့ကို ဆောင်ရွက်ခဲ့သည်။

သင်္ဃန်းကျွန်းမြို့နယ်အတွင်း Mask Campaign နှင့် အသိပညာပေးခြင်းလုပ်ငန်းများကို အပတ်စဉ် ဆောင်ရွက်ပေးသွားမည်ဖြစ်ကြောင်း တာဝန်ရှိသူတစ်ဦးထံမှသိရသည်။

လင်းလင်းထွန်း(ပြန်/ဆက်)