သထုံ၊ ၂၅ ဒီဇင်ဘာ
သထုံမြို့နယ် ရန်ကုန်-မော်လမြိုင် ကားလမ်းမကြီးအရှေ့ဘက်ခြမ်း မြေနီကုန်းကျေးရွာ (အ.မ.က)အနောက်ဘက်ရှိ ရော်ဘာသိုလှောင်ရုံတွင် ဒီဇင်ဘာ ၂၅ ရက် နံနက် ၂ နာရီ ခန့်က (၅)နာရီကျော်ကြာ မီးလောင်မှု ဖြစ်ပွားခဲ့ကြောင်း သထုံခရိုင်မီးသတ်ဦးစီးဌာနမှ သိရသည်။
ဖြစ်စဉ်မှာ သထုံမြို့နယ်၊ မြေနီကုန်းကျေးရွာ မြေနီကုန်း(အ.မ.က)အနောက်ဘက်ရှိ ရော်ဘာသိုလှောင်ရုံ တွင် ဦးနိုင်စိုး (၃၇)နှစ် လိပ်အင်းရပ်ကွက်နေထိုင်သူမှ ရော်ဘာပြား မှိုင်းခံထားရာမှ အပူလွန်ကဲပြီး ရော်ဘာပြားများဆီသို့ မီးကူးစက်လောင်ကျွမ်းခဲ့ကြောင်း သိရသည်။
အဆိုပါ မီးလောင်မှုသည် နံနက် ၆ နာရီ ၃၅ မိနစ်တွင် မီးညွန့်ကျိုးပြီး နံနက် ၇ နာရီတွင် မီးငြိမ်းသွားခဲ့သည်။
မီးလောင်မှုကြောင့် ရော်ဘာမှိုင်းခံရုံ တစ်ရုံ၊ လူနေတဲ သုံးလုံး၊ ရော်ဘာပြား ပေါင် ၂၀၀၀ ခန့် ပျက်စီးဆုံးရှုံးခဲ့ကြောင်း သိရသည်။
နန္ဒကျော်စွာ
