ဟင်္သာတ အောက်တိုဘာ ၂၉
ဧရာဝတီတိုင်းဒေသကြီး၊ ဟင်္သာတခရိုင် ဟင်္သာတမြို့နယ်ရှိ ကွန်ပျုတာတက္ကသိုလ် (ဟင်္သာတ) ၌ ၂၀၂၂-၂၀၂၃ ပညာသင်နှစ် သူနာပြုသားဖွား ဒီပလိုမာ (၃)နှစ်သင်တန်း ပထမနှစ် သင်တန်းသား သင်တန်းသူများ၏ ICT အသုံးချ သင်တန်းဆင်းပွဲအခမ်းအနားကို အောက်တိုဘာ ၂၈ ရက်က ကွန်ပျူတာတက္ကသိုလ်ကျောင်း ဘွဲ့နှင်းသဘင်ခန်းမတွင် ကျင်းပခဲ့သည်။
အခမ်းအနားတွင် ကွန်ပျူတာတက္ကသိုလ် ကျောင်းအုပ်ကြီး ဒေါက်တာ ထွန်းမြတ်အောင် က အမှာစကား ပြောကြားခဲ့ပြီး သူနာပြုသင်တန်းကျောင်း ကျောင်းအုပ်ကြီး ဒေါ်ဝေဝေလွင်က
ကျေးဇူးတင်စကား ပြောကြားခဲ့သည်။ ဆက်လက်၍ ကွန်ပျုတာတက္ကသိုလ် ကျောင်းအုပ်ကြီးမှ သူနာပြု သင်တန်းသား၊ သင်တန်းသူများအား ICT သင်တန်းဆင်းလက်မှတ်များ ပေးအပ်ချီးမြှင့် ခဲ့ပြီး သင်တန်းသားများကိုယ်စား သင်တန်းသား တစ်ဦးမှ လက်ခံရယူကာ ကျေးဇူးတင်စကား ပြန်လည်ပြောကြားခဲ့သည်။
အဆိုပါ သင်တန်းဆင်းပွဲသို့ ကွန်ပျူတာတက္ကသိုလ်ကျောင်းမှ ကျောင်းအုပ်ကြီးနှင့် ဆရာ၊ ဆရာမများ သူနာပြုသင်တန်းကျောင်းမှ ကျောင်းအုပ်ကြီးနှင့် သင်ကြားရေး နည်းပြဆရာမများ ICT သင်တန်းတက်ရောက်ခဲ့သော ပထမနှစ်သင်တန်းသား ကျား ၁၀ ဦး၊ မ ၆၅ ဦး စုစုပေါင်း ၇၅ ဦးတို့ တက်ရောက်ခဲ့ကြောင်း သိရသည်။
ကိုဇော်(ဟင်္သာတ)
