မိတ္ထီလာမြို့နယ် ဆပ်ပြာကျင်းကျေးရွာအုပ်စု ဒီးဒုတ်တောင်ကျေးရွာ၌ ဆိုလာစနစ်သုံး အသေးစား လျှပ်စစ် ဓာတ်အားလိုင်းစနစ်ဖြင့် (၂၄)နာရီ မီးလင်းနိုင်ခဲ့ပြီဖြစ်ကြောင်း မြို့နယ်ကျေးလက်ဒေသဖွံ့ဖြိုးတိုးတက်ရေးဦးစီးဌာနမှ သိရသည်။

မကွေးတိုင်းဒေသကြီး သရက်ခရိုင် ကျေးလက်ဒေသဖွံ့ဖြိုးတိုးတက်ရေးဦးစီးဌာနအနေဖြင့် ၂၀၁၈-၂၀၁၉ ဘဏ္ဍာရေးနှစ်အတွင်း မြို့နယ် (၆)မြို့နယ်ရှိ ကျေးရွာပေါင်း (၃၂)ရွာ၌ မူလခွင့်ပြု ရန်ပုံငွေကျပ် ၃၈၄ ဒသမ ၃သန်းနှင့် နိုင်ငံတော်ထောက်ပံ့ ရန်ပုံငွေကျပ် ၄၁ ဒသမ ၃၅၃ သန်း တို့ဖြင့် ကျေးလက်ရေရရှိရေးလုပ်ငန်းများကို ဆောင်ရွက်သွားမည်ဖြစ်ကြောင်း ခရိုင် ကျေးလက်ဒေသဖွံ့ဖြိုးတိုးတက်ရေးဦးစီးဌာနမှ သိရသည်။

သီတဂူဆရာတော်ကြီး ဦးဆောင်အမှူးပြုလျက် မျက်စိအထူးကုဆရာဝန်ကြီး ပါမောက္ခ ဒေါက်တာမြအောင် ဦးဆောင်သည့်အဖွဲ့သည် ဝိသာခါဖေါင်ဒေးရှင်း Medi Myanmar Group Ltd,နှင့် L’ Occitane Foundation ပူးပေါင်း၍ သံတွဲမြို့သီတဂူစက္ခုဒါနမျက်စိဆေးရုံ၌  ဖေဖေါ်ဝါရီ ၁၂ရက်နေ့မှစတင်၍ ၁၅ရက်နေ့ထိ မျက်စိဝေဒနာရှင် များအား  အခမဲ့စမ်းသပ် ခွဲစိတ်ကုသ  အလင်းဒါနလှူဒါန်းပေးလျက်ရှိကြောင်းသိရသည်။

မကွေးတိုင်းဒေသကြီး၊ ပွင့်ဖြူမြို့နယ် အပူပိုင်းဒေသစိမ်းလန်းစိုပြည်ရေးဦးစီးဌာနမှ ကျေးလက်နေပြည်သူများ သောက်သုံးရေဖူလုံစွာ သုံးစွဲနိုင်ရန်နှင့် အပူပိုင်းဒေသ သဘာဝပတ်ဝန်းကျင် စိမ်းလန်းစိုပြည်ရေး အထောက်အကူပြုနိုင် စေရန် ရည်ရွယ်၍ ပွင့်ဖြူမြို့နယ် လေးအိမ်ကုန်းကျေးရွာတွင် ယခု ၂၀၁၈ - ၂၀၁၉ ဘဏ္ဍာနှစ်တွင် ဌာန၏ ခွင့်ပြု ရန်ပုံငွေကျပ် ၂၆ သိန်းဖြင့် မြေသားမိုးရေလှောင်ကန် တူးဖော်ဆောင်ရွက်ပေးခဲ့ကြောင်း ပွင့်ဖြူမြို့နယ် အပူပိုင်းဒေသ  စိမ်းလန်းစိုပြည်ရေးဦးစီဌာနမှ ဦးစီးအရာရှိ ဦးဇော်ဝင်းထွေးထံမှ သိရသည်။ 

ပဲခူးတိုင်းဒေသကြီး သာယာဝတီမြို့နယ်တွင် ကျေးလက်ဒေသဖွံဖြိုးတိုးတက်ရေးဦးစီးဌာနက ကျေးလက်နေ ပြည်သူများ အလုပ်အကိုင် အခွင့်အလမ်းများ ရရှိစေရန်အတွက်

ရှမ်းပြည်နယ်(အရှေ့ပိုင်း)၊ တာချီလိတ်ခရိုင် တာလေမြို့နယ်တွင် မိုင်းဖြတ်မြို့နယ်၊ သဘာဝဘေးအန္တရာယ်ဆိုင်ရာ စီမံခန့်ခွဲမှုဦးစီးဌာနမှ မြို့နယ်ဦးစီးမှူး ဒေါ်စန္ဒာရွှေနှင့်ဝန်ထမ်းများသည် တာလေမြို့၊ မိုင်းလင်းကျေးရွာအုပ်စုအတွင်းရှိ  ဝမ်ကောင်းကျေးရွာတွင် ဖေဖော်ဝါရီလ ၁၃ ရက် နံနက် ၉ နာရီကလည်းကောင်း၊ ဝမ်ကန်ကျေးရွာတွင်  မွန်းလွဲ ၁နာရီကလည်းကောင်း အသိပညာပေးဟောပြောပွဲများ ကွင်းဆင်းဆောင်ရွက်ခဲ့သည်။