ရန်ကုန်တိုင်းဒေသကြီး၊ ကမာရွတ်ခရိုင်၊ ကမာရွတ်မြို့နယ်တွင် ၂၀၂၃-၂၀၂၄ ပညာသင်နှစ်နှင့် ၂၀၂၄-၂၀၂၅ ပညာသင်နှစ်အတွက် တက်ရောက်လျက်ရှိသည့် ကျောင်းသား၊ ကျောင်းသူများကို မေ ၂၃ ရက်နေ့မှစတင်၍ ကျောင်းအပ်လက်ခံခဲ့ရာ ယနေ့မှစတင်၍ နှစ်အလိုက် သင်ခန်းစာများ သင်ကြားပေးနေပြီဖြစ်ကြောင်း သိရသည်။

တရုတ်ပြည်သူ့သမ္မတနိုင်ငံ၊ ယူနန်ပြည်နယ်၊ တေဟုန်ကိုယ်ပိုင်အုပ်ချုပ်ခွင့်ရ ပြည်နယ်ခွဲအစိုးရအဖွဲ့မှ ဖိတ်ကြားချက်အရ မြန်မာ-တရုတ် ချစ်ကြည်ရေးအသင်း(ဗဟို)မှ စီစဉ်မှုဖြင့် ချစ်ကြည်ရေးအသင်း ဒုတိယဥက္ကဌ မူဆယ်ခရိုင်တာဝန်ခံ ဦးခင်ဦး(ခ) ဦးရှင်ဖူး ဦးဆောင်သော အဖွဲ့ဝင် ၂၂ ဦးသည် မေ ၂၉ ရက်က မန္တလေးမြို့မှ လေကြောင်းခရီးဖြင့် မန်စီမြို့သို့ ထွက်ခွာခဲ့သည်။

ကရင်ပြည်နယ်၊ ဘားအံမြို့နယ်ရှိ နည်းပညာတက္ကသိုလ်(ဘားအံ)တွင် မြို့ပြ၊ အီလက်ထရောနစ်၊ လျှပ်စစ်စွမ်းအား၊ စက်မှုအင်ဂျင်နီယာဘွဲ့ (၆)နှစ်သင်တန်းများကို ဇွန် ၃ ရက် နံနက်ပိုင်းမှစတင်ကာ ဖွင့်လှစ်သင်ကြားလျက်ရှိပြီး သင်တန်းနှစ်အလိုက် ကျောင်းသား ကျောင်းသူများ အေးချမ်းပျော်ရွှင်စွာ ပညာသင်ကြားလျက်ရှိကြောင်း သိရသည်။