သီရိလင်္ကာသမ္မတ ဂိုတာဘာရာ ရာဂျာပါစကာသည် ပြည်နယ်ဝန်ကြီးအသစ် ၃၅ ဦးနှင့် ဒုတိယဝန်ကြီးအသစ် သုံးဦး တို့ကို လာမည့် ပါလီမန်ရွေးကောက်ပွဲထုတ်ပြန်သည့်တိုင်အောင်  တာဝန်ထမ်းဆောင်ရန် ကြားဖြတ်အစိုးရအသစ် လက်ထက်တွင် ယနေ့ ခန့်အပ်ခဲ့သည်ဟု သိရသည်။

မာလီနိုင်ငံမြောက်ပိုင်းက ဂျီဟတ်စစ်ဆင်ရေးအတွင်း ရဟတ်ယာဉ်နှစ်စင်းတိုက်မိရာ ပြင်သစ်စစ်သား ၁၃ ဦး သေဆုံးကြောင်း တာဝန်ရှိသူတွေက အင်္ဂါနေ့က အတည်ပြုပြောကြားပါတယ်။ အခုဆုံးရှုံးမှုဟာ နှစ်လေးဆယ်နီးပါးအတွင်း ဖြစ်စဉ်တစ်ခုတည်းမှာ အကြီးမားဆုံး ဆုံးရှုံးမှုဖြစ်ပါတယ်။ 

ထိုင်းနိုင်ငံမြို့တော်ရဲ့ ဗန်ကောက်မြို့ရဲ့ မြောက်ပိုင်းရှိ  နန်းဒေသရဲ့ အမျိုးသားဥယျာဉ်အတွင်းမှာ တောရိုင်းသမင် တစ်ကောင် သေဆုံးရာ သေဆုံးတဲ့ သမင်ကို စစ်ဆေးရာ ပလပ်စတစ်အမှိုက် ခုနှစ် ကီလိုဂရမ်ကို တွေ့ရှိခဲ့ပါတယ်။ အခုအခြေအနေဟာ နိုင်ငံ့ရဲ့ ရေနဲ့ သစ်တောအတွင်းရှိ ပလပ်စတစ်အမှိုက်တွေကို သတိထားဖို့အတွက် ခေါင်းလောင်း ထိုးလိုက်တာဖြစ်ကြောင်း တာဝန်ရှိသူက မနေ့က ပြောကြားပါတယ်။ 

အယ်ဘေးနီးယားတွင် အင်းအားပြင်းငလျင်ကြောင့် သေဆုံးသူအနည်းဆုံး၂၃ ဦးအထိ ရှိလာပြီဖြစ်ပြီး ကယ်ဆယ်ရေးလုပ်ငန်းများလည်း ဆက်လက်လုပ်ဆောင်လျက်ရှိသည်ဟု ဆိုသည်။

အစ္စရေးနိုင်ငံသို့ အစောပိုင်းက ဒုံးကျည်နှစ်စင်းပစ်လွှတ်မှုကို တုံ့ပြန်ကာ ဂါဇာကမ်းမြောင်ဒေသ တောင်ပိုင်းကို ယမန်နေ့ညပိုင်းက အစ္စရေးတို့ လေကြောင်းတိုက်ခိုက်မှု ပြုလုပ်ခဲ့ကြသည်ဟု ပါလက်စတိုင်းသတင်းရင်းမြစ်က ဆိုသည်။

ဒီမိုကရေစီ လိုလားသောစခန်းများ အပြတ်အသတ်အနိုင်ရပြီးနောက်တွင် ဟောင်ကောင်ပြည်သူများနှင့်အတူ ရပ်တည်မည်ဖြစ်ကြောင်း အမေရိကန်သမ္မတဒေါ်နယ်ထရန့်က ပြောကြားခဲ့သည်။ ပြီးခဲ့သည့် တနင်္ဂနွေနေ့က ကျင်းပခဲ့သော ဒေသတွင်းခရိုင်ကောင်စီရွေးကောက်ပွဲတွင် ယခုကဲ့သို့ အနိုင်ရခဲ့သော်လည်း တင်းမာမှုများ ဆက်လက်ရှိနေဆဲဖြစ်သည်။