တောင်ကိုရီးယားနိုင်ငံတွင် လွန်ခဲ့သည့် ၂၄ နာရီအတွင်း ကိုဗစ်-၁၉ ရောဂါကူးစက်ခံရသူ ၃၉၅ ဦး ထပ်မံတွေ့ရှိခဲ့ပြီး ရောဂါကူးစက်ခံရသူဦးရေ ၁၅၁၉၀၁ ဦးအထိ မြင့်တက်လာသည်။

ကမ္ဘာ့ကျန်းမာရေးအဖွဲ့က ဂျပန်အာဏာပိုင်များ၊ အိုလံပစ်ကော်မတီတို့နှင့် မကြာမီကျင်းပတော့မည့် တိုကျိုအိုလံပစ်အားကစားပွဲအတွက် ကိုဗစ်-၁၉ ရောဂါတိုက်ဖျက်ရေး အစီအမံများနှင့်ပတ်သက်ပြီး ယခုသီတင်းပတ်တွင် ဆွေးနွေးသွားမည်ဟု ပြောကြားသည်။

ယူရို ၂၀၂၀ ချန်ပီယံရှစ်ပြိုင်ပွဲ ပွဲစဉ် (၃) အဖြစ် အုပ်စု (A) မှ ဆွစ်ဇာလန်နှင့် တူရကီ၊ အီတလီနှင့် ဝေးလ်အသင်းတို့ပွဲစဉ်ကို ယမန်နေ့ ညပိုင်းက တစ်ပြိုင်တည်း ယှဉ်ပြိုင်ကစားခဲ့ရာ ဆွစ်ဇာလန်နှင့် တူရကီအသင်းတို့ ပွဲစဉ်တွင် ဆွစ်ဇာလန်အသင်းက သုံးဂိုး-တစ်ဂိုးဖြင့် အနိုင်ရရှိပြီး အီတလီနှင့် ဝေးလ် အသင်းတို့ ပွဲစဉ်တွင် အီတလီအသင်းက တစ်ဂိုး-ဂိုးမရှိဖြင့် အနိုင်ရရှိခဲ့သည်။

အိန္ဒိယနိုင်ငံ အနောက်ဒေလီရှိ ရှူးဖိနပ်စက်ရုံ၌ ယနေ့တွင် မီးလောင်ကျွမ်းမှုဖြစ်ပွားခဲ့ပြီးနောက် လူခြောက်ဦးထက် မနည်း ပျောက်ဆုံးနေသည်ဟု အကြီးတန်းမီးသတ်ဦးစီးဌာနအရာရှိတစ်ဦးက အတည်ပြုပြောကြားသည်။