လက်ရှိ ပြည်တွင်းစျေးကွက်အတွင်း အခေါက်ရွှေ တစ်ကျပ်သားလျှင် ကျပ် ၁၁၄၀၀၀၀ ခန့်ရှိပြီး ဆက်လက်ကျဆင်းနိုင်ကြောင်း မြန်မာနိုင်ငံ ရွှေလုပ်ငန်းရှင်များအသင်းမှ အထွေထွေအတွင်းရေးမှူး ဦးအုန်းမြိုင်က ပြောသည်။

ယခုလဆန်းပိုင်းမှ စတင်ထွက်ရှိလာသည့် ရာသီပေါ်ငှက်ပျောများ အထွက်နှုန်းကောင်းမွန်သော်လည်း ဒေသမျိုးစုံမှ ငှက်ပျောများလည်း ထွက်ရှိနေသည့်အတွက် စျေးနှုန်းအနည်းငယ် ကျဆင်းလျက်ရှိကြောင်း မြန်မာနိုင်ငံ ငှက်ပျောစိုက်ပျိုး ထုတ်လုပ်သူများအသင်းမှ သိရသည်။

မြန်မာနိုင်ငံတွင် COVID – 19 ရောဂါဖြစ်ပွားသူ တွေ့ရှိကြောင်း ကျန်းမာရေးနှင့် အားကစားဝန်ကြီးဌာနက အတည်ပြီး ကြေညာသောအချိန်မှစ၍ မန္တလေးရှိ ပြည်သူများက စားရေရိက္ခာပြတ်မည်ကို စိုးရိမ်ကာ ဆန်များ အများအပြားဝယ်ယူစုဆောင်းနေကြရာ ဆန်များ ပြတ်မည်ကို စိုးရိမ်စရာမရှိကြောင်းနှင့် ပြည်တွင်းစားသုံးရန် ဆန်အလုံအလောက်ရှိနေကြောင်း မန္တလေးဆန်ကုန်စည်ဒိုင်မှ သိရသည်။