ယနေ့မြန်မာစံတော်ချိန် (၁၂:၃၀)နာရီအချိန် တိုင်းထွာချက်များအရ ဘင်္ဂလား ပင်လယ်အော် အနောက်တောင်ပိုင်းတွင် ဖြစ်ပေါ်နေသော မုန်တိုင်းငယ်  (Depression)သည် အနောက်-အနောက် မြောက်ဘက်သို့ ရွေ့လျားခဲ့ပြီး ဘင်္ဂလားပင်လယ်အော်အနောက်တောင်ပိုင်းနှင့် ယင်းနှင့် ဆက်စပ်လျက် ရှိသော ဘင်္ဂလားပင်လယ်အော်အနောက်အလယ်ပိုင်းသို့ ရောက်ရှိခဲ့ကာ မြန်မာနိုင်ငံ ကိုကိုးကျွန်း(Coco Island)မြို့၏ အနောက်- အနောက်တောင် ဘက် ရေမိုင် (၇၃၅)မိုင်ခန့်၊ ဟိုင်းကြီးကျွန်း (Hainggyigyun) မြို့၏ အနောက် - အနောက်တောင်ဘက် ရေမိုင် (၈၀၅)မိုင်ခန့်၊ အိန္ဒိယနိုင်ငံ ချင်းနိုင်(Chennai) မြို့၏ အရှေ့တောင်ဘက် ရေမိုင် (၅၅)မိုင်ခန့်နှင့် ပူဒူချယ်ရီ(Puducherry) မြို့၏ အရှေ့-အရှေ့မြောက်ဘက် ရေမိုင် (၇၅)မိုင်ခန့်အကွာ  ပင်လယ်ပြင်ကို ဗဟိုပြုနေပါသည်။