မြန်မာနိုင်ငံအပါအဝင် ကမ္ဘာ့နိုင်ငံများတွင် ဖြစ်ပွားနေသည့် ကိုရိုနာဗိုင်းရပ်စ်ကြောင့် ယခုနှစ်အတွင်း မြန်မာနိုင်ငံ၌ ကျင်းပရန် စီစဉ်ထားသည့် နိုင်ငံတကာအားကစားပြိုင်ပွဲအချို့ကို ရွှေ့ဆိုင်းထားသည်။

မြန်မာ့လက်ရွေးစင် ပူးလ်ကစားသမား ဘုန်းမြင့်ကျော်(ခ)အားတီသည် တရုတ်ပြည်သူ့သမ္မတနိုင်ငံ ချောင်ရန်မြို့၌ ပြုလုပ်လျက်ရှိသော Chinese 8 Ball ပြိုင်ပွဲ၌ ၎င်း၏ တတိယမြောက်ပွဲစဉ်ကို မေ ၃ ရက် ည ၇ နာရီ (မြန်မာစံတော်ချိန် ညနေ ၅ နာရီခွဲ)တွင် ယှဉ်ပြိုင်ကစားမည် ဖြစ်သည်။

မြန်မာနိုင်ငံဘိလိယက်နှင့် စနူကာအဖွဲ့ချုပ်သည် တရုတ်ပြည်သူ့သမ္မတနိုင်ငံ ချောင်ရန် (Chao Yang) မြို့၌ ဧပြီ ၁၈ ရက်မှ စတင်ကျင်းပလျက်ရှိသော Chinese 8 Ball ပြိုင်ပွဲကြီးတွင် နှစ်ပွဲ ဆက်တိုက် အနိုင်ရရှိခဲ့သော မြန်မာ့လက်ရွေးစင် ပူးလ်ကစားသမား ဘုန်းမြင့်ကျော် (ခ) အားတီအား နိုင်ပွဲများရရှိခဲ့သည့်အတွက် ဂုဏ်ပြုဆုငွေ ကျပ် ၁၅သိန်း (အမေရိကန်ဒေါ်လာ ၁၀၀၀) နှင့် ဝမ်းမြောက်ဂုဏ်ပြုလွှာ ပေးပို့ချီးမြှင့်ခဲ့ကြောင်း သိရသည်။

လာအိုဘောလုံးအဖွဲ့ချုပ်၏ ကမ်းလှမ်းမှုကိုလက်ခံပြီး လာအိုနိုင်ငံ၌ ဂိုးနည်းပြအဖြစ် ဆောင်ရွက်နေသည့် မြန်မာလူငယ် ဂိုးသမားဦးနေလှိုင်သည် လာအိုလက်ရွေးစင်အသင်းအပြင် လူငယ်လက်ရွေးစင်အသင်းများကိုပါ တာဝန်ယူရမည်ဖြစ်သည်။