တောင်ကြီး ၃၁  မေ

သွေးလွန်တုတ်ကွေးရောဂါ ကြိုတင်ကာကွယ်ရေးအတွက် ပိုးလောက်လန်းသေစေနိုင်သည့် Abate ဆေးများ လိုက်လံခတ်ပေးခြင်းလုပ်ငန်းအား ယနေ့နံနက် ၉ နာရီတွင် တောင်ကြီးမြို့ စိန်ပန်းရပ်ကွက်နှင့် ရွှေတောင်ရပ်ကွက်များတွင် ကျန်းမာရေးဌာနမှ ဆရာမများ၊ စေတနာ့ ဝန်ထမ်းများ၊ ချယ်ရီသွေးအဖွဲ့၊ စိန်ပန်းနှင့်​ရွှေတောင်ရပ်ကွက်များမှ နယ်မြေမှူးများ၊ မိခင်နှင့်ကလေး စောင့်ရောက်ရေးအသင်းဝင်များ ပူးပေါင်း၍ ကျန်းမာရေးဌာနမှ ဆေး(၃)ပုံး၊ စေတနာ့ဝန်ထမ်း အဖွဲ့မှ ဆေး( ၅)ပုံး စုစုပေါင်း အဘိတ်ဆေး(၈)ပုံးဖြင့် ရပ်ကွက်နှစ်ခုရှိ နေအိမ်များမှ ပိုးလောက်လန်းပေါက်ဖွားနိုင်သည့် ရေသိုလှောင်ရာ နေရာများ၊ ပိုးလောက်လန်းပေါက်ပွားနိုင်သည့် နေရာများအား လောက်လန်းသေစေနိုင်သည့် Abate ဆေးများ လိုက်လံခပ်ပေးလျက်ရှိကြောင်း သိရသည်။

သွေးလွန်တုတ်ကွေးရောဂါ ကြိုတင်ကာကွယ်ရေးအတွက် အဘိတ်ဆေးခပ်ခြင်းလုပ်ငန်းအား စေတနာ့ဝန်ထမ်းအဖွဲ့မှ ဆောင်ရွက်လျက်ရှိသည့်​ ရပ်ကွက်နှစ်ခုဆေးခပ်ခြင်း ယနေ့ပြီးစီးပြီဖြစ်၍ နောက် ၃ လအကြာတွင် ယခုဆေးခပ်သည့် ရပ်ကွက်နှစ်ခုအား ယင်းအဖွဲ့မှတာဝန်ယူ၍ နောက်တစ်ကြိမ် ဆေးထပ်ခပ်ပေးမည်ဖြစ်ကြောင်း၊ ဆက်လက်ပြီး အေးသာယာမြို့နှင့် ရွှေညောင်မြို့များရှိ ရပ်ကွက် နှစ်ခုအား Abate ဆေးများခပ်ပေးရန် စီစဉ်ဆောင်ရွက်လျက်ရှိကြောင်း ယင်းအဖွဲ့မှ ကိုဝင်းနိုင်စိုးက ပြောကြားသည်။

စိုးညွန့်ရွှေ( ပြန်/ဆက်)