တီးတိန်မြို့နယ် ခိုင်ကမ်းမြို့ မီးဘေးသင့်မိသားစုအား ထောက်ပံ့ငွေနှင့် ကယ်ဆယ်ရေးပစ္စည်းများ ပေးအပ်

တီးတိန်၊ ၂၉ ဒီဇင်ဘာ

ချင်းပြည်နယ် တီးတိန်မြို့နယ် ခိုင်ကမ်းမြို့၌ ဒီဇင်ဘာ ၂၀ ရက်က မီးအားမြှင့်စက် အပူလွန်ကဲရာမှ မီးလောင် သွားသည့် မီးဘေးသင့်အိမ်ထောင်စုတစ်စုအား ထောက်ပံ့ငွေနှင့် ကယ်ဆယ်ရေးပစ္စည်းများ လွှဲပြောင်းပေးအပ်ခြင်းကို ဒီဇင်ဘာ ၂၈ ရက်က တီးတိန်မြို့နယ် အထွေထွေအုပ်ချုပ်ရေးဦးစီးဌာနရုံးတွင် ပြုလုပ်ခဲ့သည်။

လွှဲပြောင်းပေးအပ်ရာတွင် အိမ်ရှင် ဒေါက်တာကမ်းကျင့်ဒါလ်း ၏ အိမ်ဆောက်ပစ္စည်းဖိုးအတွက် ထောက်ပံ့ငွေကျပ် တစ်သိန်းကိုလည်းကောင်း၊ မီးလောင်မှုကြောင့် ဦးခိုင်ခန့်ကိမ်း သေဆုံးမှုအတွက် ထောက်ပံ့ငွေကျပ် သုံးသိန်းကို လည်းကောင်း၊ ကျန်ရစ်သူမိသားစုဝင် သုံးဦးအတွက် ခုနစ်ရက်စာ ဆန်ရိက္ခာဖိုး ငွေကျပ် ၆၃၀၀နှင့် ကယ်ဆယ်ရေးပစ္စည်း ၁၆ မျိုးကိုလည်းကောင်း ဒုတိယမြို့နယ်အုပ်ချုပ်ရေးမှူး ဦးမင်းကျော် က မီးဘေးသင့် မိသားစုဝင်များထံ လွှဲပြောင်းပေးအပ်ခဲ့ကြောင်း တီးတိန်မြို့နယ် ဘေးအန္တရာယ်ဆိုင်ရာ စီမံခန့်ခွဲမှုဦးစီးဌာနရုံးမှ သိရသည်။

ပေါင်ကျင့်မုန်(ပြန်/ဆက်)