တိုက်ကြီး  ၂၅  မေ       

ရန်ကုန်တိုင်းဒေသကြီး မြောက်ပိုင်းခရိုင် တိုက်ကြီးမြို့နယ် ရန်ကုန်-ပြည် လမ်း အိုးတန်း ရပ်ကွက် မြို့နယ်သာသနာ့ဗိမာန်တော်တွင် ယနေ့ နံနက် ၈ နာရီအချိန်က လတ်တလော ဖြစ်ပွား လျက်ရှိသည့် ကိုဗစ်-၁၉ ရောဂါကို ကြိုတင်ကာကွယ်ထိန်းချုပ်နိုင်ရေးအတွက် ဖျားနာလူနာများ (အခမဲ့) ကုသမှု ဆေးခန်း Fever Clinic ကို စတင်ဖွင့်လှစ်ခဲ့သည်။

အဆိုပါ အခမဲ့ကုသမှုဆေးခန်း Fever Clinic တွင် ကိုယ်အပူချိန်တက်သည့် လူနာများ၊ လည်ချောင်းနာ၊ ချောင်းဆိုး၊ နှာစေး လူနာများ၊ အသက်ရှုလမ်းကြောင်းဆိုင်ရာ ရောဂါ ဝေဒနာခံစားနေရသည့် လူနာများ၊ အနံ့ အရသာ ရုတ်တရက် ပျောက်ဆုံးသော လူနာများ အခမဲ့ လာရောက် ပြသနိုင်မည်ဖြစ်ပြီး အပတ်စဉ် တနင်္လာ၊ အင်္ဂါ၊ ဗုဒ္ဗဟူး နေ့ နံနက် ၈ နာရီ မှ ၁၀ နာရီ အထိ အခမဲ့ လာရောက်ပြသနိုင်မည် ဖြစ်ကြောင်း သိရသည်။

စန်းကလျာခိုင်(ပြန်/ဆက်)