ကျုံပျော် ဖေဖော်ဝါရီ ၂၂

ဧရာဝတီတိုင်းဒေသကြီး ကျုံပျော်မြို့နယ် မီးသတ်ဦးစီးဌာနက ဦးဆောင်ကာ မြို့နယ်အတွင်းရှိ တက္ကသိုလ်ဝင်စာမေးပွဲကျင်းပမည့် စာစစ်ဌာနများသို့ မီးဘေးအန္တရာယ်ကြိုတင်ကာကွယ်ရေး ကွင်းဆင်းစစ်ဆေးခြင်းကို ဖေဖော်ဝါရီ ၂၀ ရက်က ဆောင်ရွက်ခဲ့သည်။

ထိုသို့ စစ်ဆေးရာတွင် မြို့နယ်မီးသတ်ဦးစီးအရာရှိ ဦးအောင်စိန်ဘွင့် ဦးဆောင်မှုဖြင့် သန္ဓေ/အရန်မီးသတ်တပ်ဖွဲ့ဝင်များ၊ ပညာရေးဌာနနှင့် လျှပ်စစ်ဝန်ထမ်းများပါဝင်သော ပူးပေါင်းအဖွဲ့များက မြို့နယ်အတွင်းရှိ တက္ကသိုလ်ဝင်စာမေးပွဲကျင်းပမည့် စာစစ်ဌာန စာသင်ကျောင်းများသို့ သွားရောက်၍ ကျောင်းဆောင်များ၊ ဝန်ထမ်းအိမ်ရာများတွင် မီးလောင်မှု/ မီးလန့်မှုများ မဖြစ်ပွားစေရေး လိုက်နာဆောင်ရွက်ရမည့်အချက်များ၊ လျှပ်စစ်ဂရုပြုရမည့် အချက်များနှင့် မီးဘေးကြိုတင်ကာကွယ်ရေးပစ္စည်းများ၊ ရေရရှိရေးဆောင်ရွက်ထားရှိမှုများကို စစ်ဆေးခဲ့ကြောင်း သိရသည်။

မြို့နယ်(ပြန်/ဆက်)