ထားဝယ် ၁ ဇန်နဝါရီ
၂၀၂၀ နှစ်သစ်တွင် ကုသိုလ်ပြုသန့်ရှင်းရေးအဖွဲ့မှ ဦးဆောင်၍ ပထမအကြိမ်စုပေါင်းကုသိုလ်ယူ သွေးလှူဒါန်းပွဲကို ယနေ့နံနက် ၉ နာရီက တနင်္သာရီတိုင်းဒေသကြီး၊ ထားဝယ်မြို့၊ ထားဝယ်ပြည်သူ့ဆေးရုံကြီး၌ ကျင်းပသည်။
ထိုနောက် တိုင်းဒေသကြီးအစိုးရအဖွဲ့ဝန်ကြီးချုပ် ဦးမြင့်မောင်၊ တိုင်းဒေသကြီး အစိုးရအဖွဲ့ဝင်ဝန်ကြီးများ၊ သွေးလှူဘဏ်တာဝန်ခံ ဒေါက်တာစန်းစန်းဝင်းနှင့် တာဝန်ရှိသူများက စုပေါင်းသွေးလှူဒါန်းနေမှုအား ကြည့်ရှု၍ အားပေးစကားပြောကြားပြီး သွေးလှူဒါန်းမှု အကြိမ်ရေအများဆုံးသူများအား ဂုဏ်ပြုမှတ်တမ်းလွှာများ ပေးအပ်သည်။
ဆက်လက်၍ တာဝန်ရှိသူများက ကုသိုလ်ပြုသန့်ရှင်းရေးအဖွဲ့မှ သွေးလှူဒါန်းသူစုစုပေါင်း (၁၁၈) ဦးအား အဟာရဖြည့်စားသောက်ဖွယ်ရာများ ပေးအပ်ခဲ့ကြောင်း သတင်းရရှိသည်။
ထားဝယ်ခရိုင်ပြန်/ဆက်
