ဝက်လက် ၇  သြဂုတ်

စစ်ကိုင်းတိုင်ဒေသကြီး၊ ရွှေဘိုခရိုင်၊ ဝက်လက်မြို့နယ်အတွင်းရှိ၊ ရွှေပန်းကုံး ကျေးရွာနှင့် ရွှေအိုးရ ကျေးရွာတို့တွင် Covid-19 Economic Relief Plan ဖြင့် ပျိုးစေ့ထုတ် ဧက (၁၀၅) စိုက်ပျိုးသွားမည်ဖြစ်ရာ ယနေ့နံနက်ပိုင်း တောင်သူ ဦးမျိုးနိုင်၏ လယ် (၈) ဧကကို စတင်စိုက်ပျိုးနေသည် ဖြစ်ကြောင်း သိရသည်။ 

မျိုးစေ့ထုတ် ဧက (၁၀၅) စိုက်ပျိုးရခြင်းသည်  တောင်သူများအနေဖြင့် မျိုးကောင်းမျိုးသန့်များ စိုက်ပျိုးနိုင်ရေးနှင့် စပါးအထွက်နှုန်း တိုးပွားကာ စျေးကောင်း ရရှိစေရန် ရည်ရွယ်၍ ​စိုက်ပျိုးကြောင်း သိရသည်။

အဆိုပါ မျိုးစေ့ထုတ် ဧကများ စိုက်ပျိုးရာတွင် ဝက်လက်မြို့ စိုက်ပျိုးရေးဦးစီးဌာနမှ လက်ထောက် ဦးစီးမှူး ဒေါ်အေးမာလာနှင့် ဝန်ထမ်းများက ပူးပေါင်းပါဝင် ဆောင်ရွက်ကြကြောင်းလည်း သိရှိရသည်။

စိုးစိုးလှိုင် (ဝက်လက်)