ပဲခူး ၁ အောက်တိုဘာ
ပဲခူးတိုင်းဒေသကြီးဝန်ကြီးချုပ်ဦးဝင်းသိန်းသည် အောက်တိုဘာ ၃၁ ရက်နေ့ မွန်းလွဲ ၂ နာရီခွဲ အချိန်က ဌာနဆိုင်ရာတာဝန်ရှိသူများနှင့်အတူ ရေတာရှည်မြို့နယ် ဘိုးတော်ကုန်းကျေးရွာ၌ ဝန်ထမ်းအိမ်ရာ တည်ဆောက်ပြီးစီးမှုအခြေအနေအား သွားရောက်ကြည့်ရှုစစ်ဆေးခဲ့သည်။
ရှေးဦးစွာ ဝန်ကြီးချုပ်နှင့်အဖွဲ့အား ပဲခူးတိုင်းဒေသကြီးမြို့ပြနှင့်အိမ်ရာ ဖွံ့ဖြိုးရေးဦးစီးဌာန ညွှန်ကြားရေးမှူး ဦးစိုင်းသက်နိုင်မိုးမှ ဝန်ထမ်းအိမ်ရာတည်ဆောက်ခဲ့မှု အခြေအနေ၊ ပြီးစီးမှုအခြေအနေ၊ ဆက်လက်ဆောင်ရွက်မည့် စီမံကိန်းအြေခအနေနှင့် အိမ်ရာတွင်ဝန်ထမ်းများထားရှိမည့် အခြေအနေများရှင်းလင်းတင်ပြရာ ဝန်ကြီးချုပ်က လိုအပ်သည်များ မှာကြားခဲ့သည်။
ရေတာရှည်မြို့နယ်၊ ရေတာရှည်မြို့ ဘိုးတော်ကုန်းကျေးရွာအုပ်စု၊ ဘိုးတော်ကုန်းကျေးရွာတွင် ရေတာရှည်မြို့နယ်အတွင်းရှိ ဝန်ကြီးဌာနအသီးသီးမှ မြို့နယ်အဆင့်ဦးစီးဌာနဝန်ထမ်းများအတွက်၂၀၁၈-၂၀၁၉ ဘဏ္ဍာရေးနှစ် ပဲခူးတိုင်းဒေသကြီး အစိုးရအဖွဲ့ခွင့်ပြု ရန်ပုံငွေများဖြင့် (၄)ခန်းတွဲ(၅)ထပ်ဝန်ထမ်းအိမ်ရာ(၂)လုံး တည်ဆောက်ပေးခဲ့ပြီး ၂၀၁၉-၂၀၂၀ ဘဏ္ဍာနှစ်တွင် နောက်ထပ် တစ်လုံးနှင့် ဘဏ္ဍာနှစ်အလိုက်အိမ်ရာ(၆)လုံးပြည့်မီအောင် ဆက်လက်တည်ဆောက် ပေးသွားမည်ဖြစ်သည့်အပြင် အိမ်ရာနေဝန်ထမ်းများ လူသုံးကုန်ပစ္စည်းများနှင့် စားသောက်ကုန်ပစ္စည်းများ လွယ်လင့်တကူဝယ်ယူနိုင်အတွက် Shop House တစ်ခုပါ တည်ဆောက်ပေးသွားမည်ဖြစ်ကြောင်း သိရသည်။
တင်စိုး(ပဲခူး)
