မဘိမ်း ၈ အောက်တိုဘာ
ရှမ်းပြည်နယ်(မြောက်ပိုင်း)၊ မိုးမိတ်ခရိုင်၊ မဘိမ်းမြို့နယ်တွင် ၂ဝ၂ဝ ပြည့်နှစ်၊ နိုဝင်ဘာလ ၈ ရက်နေ့တွင် ကျင်းပပြုလုပ်မည့် ပါတီစုံဒီမိုကရေစီ အထွေထွေရွေးကောက်ပွဲအတွက် မဲရုံများကို အခြေခံပညာကျောင်း များတွင် ဖွင့်လှစ်နိုင်ရန်အတွက် မဲရုံဆောင်ရွက်မည့် အခြေခံပညာကျောင်းများအား မဘိမ်းမြို့နယ် ရွေးကောက်ပွဲကော်မရှင်အဖွဲ့ခွဲဥက္ကဋ္ဌ ဦးခင်အောင်နှင့် အဖွဲ့ဝင်များက ယနေ့နံနက်ပိုင်း၌ ကွင်းဆင်းစစ်ဆေး ခဲ့ကြောင်း သိရှိရသည်။
ဖွင့်လှစ်မည့် မဲရုံများတွင် မဲဆန္ဒရှင်များ လွယ်ကူစွာ ဆန္ဒမဲပေးနိုင်ရေးနှင့် ကိုဗစ်-၁၉ ရောဂါ ကူးစက်မှုမှ ကာကွယ်နိုင်ရေးအတွက် ကျန်းမာရေးနှင့် အားကစားဝန်ကြီးဌာန၏ လမ်းညွှန်ချက်များနှင့်အညီ ကြိုတင်ပြင်ဆင်မှုများ ဆောင်ရွက်နိုင်ရေး ကွင်းဆင်းကြည့်ရှု စစ်ဆေးကြသည်။
မဘိမ်းမြို့နယ်တွင် မြို့ပေါ်ရပ်ကွက် (၄)ရပ်ကွက်နှင့် ကျေးရွာအုပ်စု (၁၆)အုပ်စုတွင် လျာထား မဲရုံအရေအတွက် ၄၄ ရုံရှိကြောင်း သိရသည်။
မျိုးမင်း (ပြန်/ဆက်)
