ရန်ကုန် ၁၂ အောက်တိုဘာ                   

ရန်ကုန်တိုင်းဒေသကြီး၊ မြောက်ပိုင်းခရိုင်၊ အင်းစိန်မြို့နယ်ရှိ Super Sunday လူမှုကူညီရေး အသင်းအနေဖြင့် မြို့နယ်အတွင်း ကိုဗစ်-၁၉ ရောဂါ ကာကွယ်ရေး လုပ်ငန်းများနှင့် ပြည်သူ့အကျိုးပြု လုပ်ငန်းများ ဆောင်ရွက်ရာတွင် အသုံးပြုနိုင်စေရန် ရည်ရွယ်၍ သေဆုံးသူများကို သယ်ဆောင်ရန်  Body Bag (၁၃)လုံးကို  ယမန်နေ့ နေ့လယ် ၂ နာရီအချိန်က လှူဒါန်းခဲ့ကြောင်း သိရဿည်။

Super Sunday လူမှုကူညီရေးအသင်း အနေဖြင့် လူမှုကူညီရေး လုပ်ငန်းများနှင့်အတူ အင်းစိန်မြို့နယ်အဆင့် ကိုဗစ်-၁၉ ရောဂါ ထိန်းချုပ်ရေးနှင့် အရေးပေါ်တုံ့ပြန့်ရေးကော်မတီ၏ ဦးဆောင်မှုဖြင့် မြို့နယ်အတွင်းရှိ Quarantine Center (၅)ခု၌ ကိုဗစ်-၁၉ ရောဂါ ကာကွယ်ရေး လုပ်ငန်းများကို အရှိန်အဟုန်မြှင့် ပါဝင်ဆောင်ရွက်လျက်ရှိပြီး ကိုဗစ်-၁၉ ရောဂါ ကာကွယ်ကုသရေး လုပ်ငန်းများတွင် အသုံးပြုနိုင်စေရန် ကိုဗစ်-၁၉ ရောဂါ ကာကွယ်တားဆီ တုံ့ပြန်ရေးအဖွဲ့ မြောက်ပိုင်းခရိုင်(YRO) ခရိုင်မှူး ဦးတာမှ  Body Bag (၁၀)လုံးနှင့် ဘိုးဘွားများစောင့်ရှောက်ရေးအသင်း (တိုက်ကြီး)မှ Body Bag (၃)လုံးကို အသီးသီး လှူဒါန်းရာ Super Sunday လူမှုကူညီ ရေးအသင်း ဥက္ကဋ္ဌ ကိုသူရိန်ထွန်းမှ လက်ခံရယူခဲ့ပြီး ကျေးဇူးတင်စကားပြန်လည် ပြောကြားခဲ့သည်။

အင်းစိန်မြို့နယ်အဆင့် ကိုဗစ်-၁၉ ရောဂါ ထိန်းချုပ်ရေးနှင့် အရေးပေါ်တုံ့ပြန်ရေးကော်မတီမှ ကိုဗစ်-၁၉ ရောဂါ ကာကွယ်ရေးလုပ်ငန်းများကို အရှိန်အဟုန်မြှင့် ဆောင်ရွက်လျက်ရှိကြောင်း သိရသည်။

ဇွဲထက်ကို(ပြန်/ဆက်)