လဟယ် ၂၁ အောက်တိုဘာ
စစ်ကိုင်းတိုင်းဒေသကြီး၊ နာဂကိုယ်ပိုင်အုပ်ချုပ်ခွင့်ရဒေသ၊ လဟယ်မြို့နယ်အတွင်း ၂၀၁၉-၂၀၂၀ ဘဏ္ဍာရေးနှစ်တွင် နယ်စပ်ရေးရာဝန်ကြီးဌာန၊ နယ်စပ်ဒေသနှင့် တိုင်းရင်းသားလူမျိုးများ ဖွံ့ဖြိုးတိုးတက်ရေးဦးစီးဌာနမှ တိုင်းဒေသကြီး ခွင့်ပြုရန်ပုံငွေ ကျပ် ၂၄၁ သန်းဖြင့် ဟွေကွန်ကျေးရွာနှင့် စစ်ဖောင်ကျေးရွာကြား ဟွန်းညူချောင်းပေါ် တည်ဆောက်ထားသော အလျား (၈၀)ပေ၊ အနံ(၁၄)ပေ၊ နှစ်လွှာတစ်ထပ် ဘေလီတံတား ၁၀၀ ရာခိုင်နှုန်း ဆောင်ရွက်ပြီးစီးမှုအား စစ်ဆေးခဲ့ပြီးဖြစ်ကြောင်း သိရသည်။
အလားတူ ၂၀၂၀-၂၀၂၁ ဘဏ္ဍာနှစ် တိုင်းဒေသကြီးရန်ပုံငွေဖြင့် ဟွေကွန်-စစ်ဖောင်ကြား ပြင်ထိန်း(၁၀/၀)မိုင် ဆောင်ရွက်မည့် လမ်းပိုင်းအား ကွင်းဆင်းကြည့်ရှုစစ်ဆေးခဲ့ကြောင်း နာဂဒေသ ခေတ္တနာဂဒေသဖွံ့ဖြိုးမှုကြီးကြပ်ရေးရုံး (လဟယ်)မှ ဒုတိယညွှန်ကြားရေးမှူး ဦးရဲမင်းထံမှ သိရသည်။
မွှေးကြူဇင်
