ချောက် ၈ နိုဝင်ဘာ
မကွေးတိုင်းဒေသကြီး ချောက်မြို့နယ်၌ ၂၀၂၀ ပြည့်နှစ် ပါတီစုံဒီမိုကရေစီ အထွေထွေရွေးကောက်ပွဲ မဲဆန္ဒများ စတင်ပေးခြင်းအား နိုဝင်ဘာ ၈ ရက် နံနက် ၆ နာရီ အချိန်က ပြည်သူများမဲဆန္ဒပေးခြင်းကို ရပ်ကွက်၊ကျေးရွာတို့တွင် မိမိသတ်မှတ်ထားရာ မဲရုံအသီးသီး၌ မဲဆန္ဒပေးခဲ့ကြောင်း သိရသည်။
ထိုသိုပြုလုပ်ရာတွင် ချောက်မြို့နယ်အတွင်းရှိ မဲရုံများ၌ ရပ်ကွက်/ကျေးရွာ ရွေးကောက်ပွဲကော်မရှင်အဖွဲ့ ခွဲရုံးမှ မဲရုံမှူး၊ ဒုမဲရုံမှူးနှင့် တာဝန်ရှိသူတို့က မဲပေးမည့်ပြည်သူများအား မဲရုံပရဝုဏ်အတွင်း၌ ကျန်းမာရေးနှင့် အားကစားဝန်ကြီးဌာန ညွှန်ကြားချက်နှင့်အညီ နှာခေါင်းစည်းတပ်ဆင်စေခြင်း၊ သတ်မှတ်အကွာဝေးတွင် နေစေခြင်း၊ မဲရုံအဝင်ဝတွင်လက်ဆေးခြင်း၊ အပူချိန်တိုင်းတာခြင်းတို့ ဆောင်ရွက်ပြီး မဲရုံအတွင်း၌ မဲဆန္ဒပေးခဲ့ကြောင်း သိရသည်။
ချောက်မြို့နယ်တွင် ရပ်ကွက်(၂၀)ရပ်ကွက်၊ ကျေးရွာအုပ်စု(၅၁)စု စုစုပေါင်း(၇၁)အုပ်စု၊ မဲရုံပေါင်း(၂၅၈)ရုံ ရှိပြီး မဲဆန္ဒပေးမည့်သူ စုစုပေါင်း (၁၆၄၁၄၅)ဉီး ရှိသည်။ အောက်တိုဘာ ၂၉ ရက်မှ နိုဝင်ဘာ ၇ ရက်ထိ ကြိုတင်ဆန္ဒမဲပေးသူ မဲဆန္ဒရှင်မှာ (၂၄၄၈၂)ဉီးရှိကြောင်း၊ မဲဆန္ဒပေးမည့်သူများသည် သတ်မှတ်ထားသော မဲရုံအသီးသီးတွင် အောက်တိုဘာ ၈ ရက် နံနက် ၆ နာရီမှ ညနေ ၄ နာရီအထိ မဲဆန္ဒပေးရမည်ကြောင်း သိရသည်။
ကျော်မိုး(ပြန်/ဆက်)
