မယ်စဲ့၊  ၁၂  ဒီဇင်ဘာ

ကယားပြည်နယ်၊ မယ်စဲ့မြို့နယ်ရှိ ဒေသဖွံ့ဖြိုးရေးလုပ်ငန်းများအား ဒီဇင်ဘာ ၁၁ ရက် မွန်းလွဲပိုင်းက ပြည်နယ်လွှတ်တော် ကိုယ်စားလှယ် ဦးအယ်လ်​ဖောင်းရှို၊ ခရိုင်တည်​ဆောက်​ရေးနှင့် အရည်အ​သွေးစစ်​ဆေး​ရေးလုပ်ငန်း​ကော်မတီဥက္ကဋ္ဌ ခရိုင်အုပ်ချုပ်​ရေးမှူး ဦးသိန်း​အောင်နှင့်  တာဝန်ရှိသူများက ကွင်းဆင်းစစ်​ဆေးခဲ့​ကြောင်း သိရသည်။

ထိုသို့စစ်ဆေးရာတွင် မိုးထက်လမင်းကုမ္ပဏီက တာဝန်ယူ​ဆောင်ရွက်​နေသည့် ၆ ခန်းတွဲ ၃ ထပ် ဝန်ထမ်းအိမ်ရာ တည်ဆောက်ခြင်းလုပ်ငန်း၊ နမ့်မန်း​ကျေးရွာရှိ နမ့်မန်း​ချောင်းအား မူလလမ်း​ကြောင်းအတိုင်း ပြန်လည်တူးဖော်ခြင်း လုပ်ငန်းနှင့် နမ့်မန်း​ရေ​ပေး​မြောင်း​ပေါင် ပြန်လည်​မြေဖို့ခြင်းလုပ်ငန်း ​ဆောင်ရွက်ပြီးစီးမှုအ​ခြေအ​နေ၊ ဗိုလ်ချုပ်လမ်း ကျောက်စီ​ရေ​မြောင်း ပလပ်ဖောင်း အရှည် (၃၆၃၀) ​ပေ တည်​ဆောက်ခြင်းလုပ်ငန်း ဆောင်ရွက်​နေမှုအ​ခြေအ​နေများကို ကြည့်ရှုစစ်​ဆေးခဲ့ပြီး လုပ်ငန်းများ အရည်အ​သွေးပြည့်ဝစွာ ​ဆောင်ရွက်ကြရန် တာဝန်ရှိသူများကို မှာကြားခဲ့​ကြောင်း သိရသည်။

ဝတ်ရည်(ပြန်/ဆက်)