၁၈ ဒီဇင်ဘာ

အမေရိကန် ဆေးဝါးကုမ္ပဏီ Moderna မှ ထုတ်လုပ်သည့် ကိုရိုနာဗိုင်းရပ်စ် ကာကွယ်ဆေးကို အရေးပေါ် အသုံးပြုရန် အမေရိကန် အစားအသောက်နှင့် ဆေးဝါးကွပ်ကဲမှုဌာနမှ ကျွမ်းကျင်သူများက ထောက်ခံခဲ့ကြသည်။

ကာကွယ်ဆေး၏ လူသားများအပေါ် ထိရောက်မှုနှင့် ဘေးကင်းမှုအပေါ်  Moderna ကုမ္ပဏီမှ တင်ပြသည့် အချက်အလက်များအပေါ် အကဲဖြတ်ရန် FDA မှ ကျွမ်းကျင်ပညာရှင်များနှင့် ဒီဇင်ဘာလ ၁၇ ရက်နေ့က တွေ့ဆုံခဲ့ကြသည်။

အဆိုပါ ကာကွယ်ဆေးသည် အသက် ၁၈ နှစ်နှင့် အထက်လူများအတွက် ဘေးအန္တရာယ် ကင်းရှင်းနိုင်သည်ဟု အဖွဲ့ဝင်အများစုက ဆုံးဖြတ်ခဲ့ကြသည်။

နိုဝင်ဘာလ အတွင်းက Moderna's ကုမ္ပဏီမှ အရေးပေါ် အသုံးပြုခွင့်ရရန် တောင်းခံခဲ့ပြီးနောက် FDA မှ Moderna's ၏ ကာကွယ်ဆေးကို စစ်ဆေးခဲ့ခြင်းဖြစ်သည်။

FDA အဖွဲ့၏ ဆုံးဖြတ်ချက်အရ ကာကွယ်ဆေးအား အမြန်ဆုံးအသုံးပြုနိုင်မည်ဟု မျှော်လင့်ရသည်။

အမေရိကန် ဆေးဝါးကုမ္ပဏီကြီးဖြစ်သည့် Pfizer နှင့် ဂျာမန်မိတ်ဖက်ကုမ္ပဏီဖြစ်သည့် BioNTech တို့ ပူးပေါင်းထုတ်လုပ်ထားသည့် ကာကွယ်ဆေးကို အမေရိကန်ပြည်ထောင်စုက ပထမဆုံး အတည်ပြုခဲ့ပြီးနောက် Moderna ကာကွယ်ဆေးသည် FDA ခွင့်ပြုသည့် ဒုတိယ ကာကွယ်ဆေးဖြစ်လာမည်ဖြစ်သည်။

Moderna ကာကွယ်ဆေးကို လာမည့်အပတ် အစောပိုင်းတွင် သန်း ၂၀ ကို ယခုနှစ် မကုန်မီ ထုတ်လုပ်မည်ဖြစ်ပြီး အမေရိကန်နိုင်ငံအတွက် ကာကွယ်ဆေးအလုံးရေ ၅ ဒသမ ၉ သန်း ဖြန့်ဖြူးရန် ခန့်မှန်းထားကြောင်း အမေရိကန် ကာကွယ်ဆေးထောက်ပံ့ရေး အစီအစဉ်မှ တာဝန်ရှိသူတစ်ဉီးက ပြောကြားခဲ့သည်။

ကိုးကား-အန်အိတ်ချ်ကေ

ဘာသာပြန်-မေဇော်ထက်