ပွင့်ဖြူ၊ ၂၃ ဇန်နဝါရီ
လည်ဆစ်ရိုးကျီးပေါင်းရောဂါအကြောင်း အသိပညာပေး ဆွေးနွေးဟောပြောခြင်းနှင့် အခမဲ့ဆေးဝါးကုသခြင်းကို ဇန်နဝါရီ ၂၂ ရက် နံနက်ပိုင်းက မကွေးတိုင်းဒေသကြီး၊ ပွင့်ဖြူမြို့နယ် တိုင်းရင်းဆေးပညာဦးစီးဌာနရုံး၌ ပြလုပ်ခဲ့သည်။
ဟောပြောပွဲတွင် ပွင့်ဖြူမြို့နယ် တိုင်းရင်းဆေးပညာဦးစီးဌာနမှ လက်ထောက်တိုင်းရင်းဆေးမှူး ဒေါ်စောပြည့်မွန် က လည်ဆစ်ရိုးကျီးပေါင်းရောဂါဖြစ်ပွားရခြင်း၏ အကြောင်းအရင်းနှင့် ရောဂါမဖြစ်ပွားစေရန် ကြိုတင်ကာကွယ်ရမည့် နည်းလမ်းများ၊ ရာသီအလိုက်ဖြစ်ပွားတတ်သော ရောဂါလက္ခဏာများနှင့်ပတ်သက်၍ သိရှိလိုက်နာရန်အချက်များ၊ ဆီးချို၊ သွေးချို၊ လေးဘက်နာရောဂါ ၊ လေဖြတ်လေငန်းရောဂါနှင့် အဆစ်အမြစ်ကိုက်ခဲခြင်း ဝေဒနာများနှင့် ပတ်သက်ပြီး ကြိုတင်ကာကွယ်ရန်အချက်များကို အသိပညာပေး ဆွေးနွေးဟောပြောခဲ့သည်။
ထို့နောက် တက်ရောက်လာသည့် ဒေသခံပြည်သူများကို လည်ဆစ်ရိုးကျီးပေါင်းရောဂါရှိ မရှိနှင့် အခြားသော ကျန်းမာရေးဝေဒနာခံစားရမှု ရှိ မရှိတို့ကို စမ်းသပ်စစ်ဆေးပြီး အခမဲ့ဆေးကုသမှုများ ဆောင်ရွက်ပေးခဲ့ကြောင်း သိရသည်။
ရဲဝင်းနိုင် (ပြန်/ဆက်)
