မေ ၂၀

အီသီယိုးပီးယားနိုင်ငံတွင် လွန်ခဲ့သောရက်အတွင်း ကိုဗစ်-၁၉ ရောဂါကူးစက်ခံရသူ ၄၉၇ ဦး ထပ်မံတွေ့ရှိခဲ့သည်။

နိုင်ငံတစ်ဝန်းတွင် ရောဂါကူးစက်ခံရသူ ၂၆၇၅၉၇ ဦးအထိ ရှိလာသည်ဟု ကျန်းမာရေးဝန်ကြီးဌာန၏ ပြောကြားချက်အရ သိရသည်။

အဆိုပါ ကိုဗစ်-၁၉ ရောဂါကူးစက်ခံရမှုကြောင့် သေဆုံးသူပေါင်း ၄၀၃၈ ဦး ရှိသည်။

အီသီယိုးပီးယားနိုင်ငံသည် အာဖရိကတွင် ဒုတိယလူဦးရေအများဆုံးနိုင်ငံဖြစ်သည်။

အရှေ့အာဖရိကဒေသတွင် ကိုဗစ်-၁၉ ရောဂါကူးစက်မှုအရေအတွက် အများဆုံးနိုင်ငံဖြစ်သည်။

အီသီယိုးပီးယားနိုင်ငံ၏ရောဂါကူးစက်မှုသည် အာဖရိကရှိ ကိုဗစ်-၁၉ ရောဂါကူးစက်မှုစုစုပေါင်း၏ ခြောက်ရာခိုင်နှုန်းခန့် ရှိသည်ဟု အာဖရိကရောဂါကာကွယ်ရေးနှင့်ထိန်းချုပ်ရေးစင်တာများတွင် ဖော်ပြထားသည်။

ကိုးကား-ဆင်ဟွာ

ဘာသာပြန်-မြင့်မြင့်ချို