မော်လမြိုင်၊ ၂၃ ဇွန်

မွန်ပြည်နယ်၊ မော်လမြိုင်မြို့နယ်၌ ကိုဗစ်-၁၉ ရောဂါ ကြိုတင်ကာကွယ်ခြင်းအနေဖြင့် လူထုလှုပ်ရှားမှု အသိပညာပေး Mask Campaign ကို ဇွန် ၂၂ ရက် မွန်းလွဲ ၃ နာရီက Ocean Super Center ရှေ့တွင် မွန်ပြည်နယ် ပြည်သူ့ကျန်းမာရေးဦးစီးဌာန၏ ဦးဆောင်မှုဖြင့် မြို့နယ်စီမံအုပ်ချုပ်ရေးအဖွဲ့ဝင်များ၊ မြို့နယ်ရဲတပ်ဖွဲ့ဝင်များ၊    မြို့နယ်ပညာရေးဌာနဝန်ထမ်းများ၊   မြို့နယ်မီးသတ်တပ်ဖွဲ့ဝင်များနှင့်    မြို့နယ် ကြက်ခြေနီတပ်ဖွဲ့ဝင်များ ပူးပေါင်းကာ Mask အခုရေ (၅၀၀)အား လမ်းသွားလမ်းလာ ပြည်သူများသို့ ဖြန့်ဝေပေးခဲ့ကြောင်း သိရသည်။

အဆိုပါ Mask Campaign ဆောင်ရွက်ပေးခြင်းသည် ပြည်သူများအနေဖြင့် ကိုဗစ်-၁၉ ရောဂါပိုးကြောင့် ရောဂါကူးစက်ပြန့်ပွားမှု မရှိစေရန်အတွက် နေအိမ်ပြင်ပသို့ သွားလာရာတွင် နှာခေါင်းစည်း Mask များ မဖြစ်မနေတပ်ဆင်ကြရန်နှင့် မိမိကိုယ်တိုင်သော်လည်းကောင်း၊ အခြားသူများထံမှ ကူးစက်မှုမခံရစေရန်  ကျန်းမာရေးနှင့်    အားကစားဝန်ကြီးဌာန၏  လမ်းညွှန်းချက်များအတိုင်း တိကျစွာ လိုက်နာဆောင်ရွက်ကြရန် ရည်ရွယ်ချက်ဖြင့် အသိပညာပေး ဆောင်ရွက်ခြင်းဖြစ်ကြောင်း သိရသည်။

ဇာဖြူဝင်း(ပြန်/ဆက်)