ကျိုင်းတုံ စက်တင်ဘာ ၁၁
ရှမ်းပြည်နယ်(အရှေ့ပိုင်း)၊ ကျိုင်းတုံမြို့တွင် စေတနာရှင် ပြည်သူတစ်ဦးက ကိုဗစ်-၁၉ ကာလ ပြည်သူများ ခက်ခဲမှုမရှိစေရေး လိုရင်ယူအစီအစဉ်ကို စက်တင်ဘာ ၁၁ ရက်တွင် အမှတ်(၅)ရပ်ကွက် ကျိုင်းတုံ-တောင်ကြီးသွား ကားလမ်းမဘေး၌ ကိုဗစ်-၁၉ ကာကွယ်ရေး နည်းလမ်းများနှင့်အညီ ပြုလုပ်သည်။
ထိုသို့ဆောင်ရွက်ရာတွင် ကျိုင်းတုံမြို့၊ အမှတ်(၅)ရပ်ကွက်နေ အလှူရှင် ဦးလှဝင်း ပြည်နယ် စိုက်ပျိုးရေးဦစီးဌာန (ကျိုင်းတုံ) ရုံးမှ ကိုဗစ်ကာလ ပြည်သူများ ခက်ခဲမှုမရှိစေရေးအတွက် နေအိမ်ပြင်ပသို့ ဈေးဝယ်ထွက်လာသူများအား ဟင်းသီးဟင်းရွက်များ အခမဲ့ပေးလှူခဲ့ကြောင်း သိရသည်။
အလားတူ ကျိုင်းတုံမြို့ ပြည်သူများ၏ လှူဒါန်းမတည်ပေးမှုဖြင့် ပြည်သူများ ခက်ခဲမှုမရှိစေရေး လိုရင်ယူ အစီအစဉ်များကို မြို့ပေါ်ရပ်ကွက်များတွင် ကိုဗစ်-၁၉ ကာကွယ်ရေးနည်းများနှင့်အညီ ပြုလုပ်ပေးလျက်ရှိကြောင်း သိရသည်။
အောင်ဇင်မြင့်(ပြန်/ဆက်)
