လက်ပံတန်း အောက်တိုဘာ ၂၅
ပဲခူးတိုင်းဒေသကြီး၊ သာယာဝတီခရိုင်၊ လက်ပံတန်းမြို့နယ် စိုက်ပျိုးရေးဦးစီးဌာနမှ ဂွေးတောက်ကွင်း ကျေးရွာ တောင်သူ ဦးတင်ဝင်း၏ ဦးပိုင်အမှတ်- ၆၈/၁၊ ကွင်းအမှတ်- ၁၁၅၈ တွင် ရတနာတိုး မိုးစပါး တစ်ဧက စံကွက်ရိတ်သိမ်းခြင်းကို အောက်တိုဘာ ၂၅ ရက် နံနက်ပိုင်းက ရိတ်သိမ်းခဲ့သည်။
မိုးစပါးစံကွက် ရိတ်သိမ်းခြင်းကို သာယာဝတီခရိုင် စိုက်ပျိုးရေးဦးစီးမှူး ဦးသန်းအောင်ဆန်း၊ မြို့နယ်စီမံအုပ်ချုပ်ရေးအဖွဲ့ဝင်များ၊ မြို့နယ်စိုက်ပျိုးရေးဦးစီးမှူး ဦးဉာဏ်မြင့်နှင့် ဝန်ထမ်းများ၊ ဒုတိယမြို့နယ်အုပ်ချုပ်ရေးမှူး ဦးချစ်ကိုကိုဝင်း၊ လယ်ယာမြေ စီမံခန့်ခွဲရေးနှင့် စာရင်းအင်းဦးစီးမှူး ဦးနိုင်ဝင်း၊ တောင်သူများ ပူးပေါင်း၍ မိုးစပါး တစ်ဧက စံကွက်ရိတ်သိမ်းခဲ့ရာ စပါးအစို ၁၀၅ တင်း ထွက်ရှိကြောင်း သိရသည်။
မြို့နယ်(ပြန်/ဆက်)
