မိုးညှင်း အောက်တိုဘာ ၂၆
ကချင်ပြည်နယ်၊ မိုးညှင်းခရိုင်၊ မိုးညှင်းမြို့နယ်ရှိ အသက် ၁၂ နှစ်နှင့်အထက် ကျောင်းသား ကျောင်းသူ ၂၁၈၂ ဦးအား ကိုဗစ်−၁၉ရောဂါ ကာကွယ်ဆေး ထိုးနှံပေးခြင်းကို အောက်တိုဘာ ၂၄ ရက်မှစတင်ကာ စုရပ် နေရာများတွင် ထိုးနှံပေးခဲ့သည်။
ကာကွယ်ဆေးထိုးနှံပေးရာ၌ မိုးညှင်းမြို့နယ်ရှိ မိုးညှင်း၊ ဟိုပင်နှင့် နန့်မွန်းဒေသများတွင် အသက် ၁၂ နှစ်နှင့်အထက် ကျောင်းသား ကျောင်းသူ ၂၁၈၂ ဦးကို ကိုဗစ်−၁၉ရောဂါ ကာကွယ်ဆေး (Sinovac) အမျိုးအစား ထိုးနှံပေးပြီး ကျန်းမာရေးဝန်ထမ်းများ၊ သက်ဆိုင်ရာ တာဝန်ရှိသူများ၊ အမျိုးသမီးရေးရာ အဖွဲ့ဝင်များ၊ မိခင်နှင့်ကလေး စောင့်ရှောက်ရေး အသင်းဝင်များ၊ မီးသတ်တပ်ဖွဲ့ဝင်များနှင့် ကြက်ခြေနီ တပ်ဖွဲ့ဝင်များက ပူးပေါင်း၍ ကာကွယ်ဆေး ထိုးနှံပေးမှုကို ပံ့ပိုးကူညီ ဆောင်ရွက်ပေးခဲ့ပြီး အဆိုပါ ကာကွယ်ဆေး ထိုးနှံပြီးသူများကို နိုဝင်ဘာလတွင် ဆက်လက်ထိုးနှံပေးမည်ဖြစ်ကြောင်း သိရသည်။
ဇွဲသူရအောင်(ပြန်/ဆက်)
