ထားဝယ်မြို့အခြေခံစားသောက်ကုန်များကို စျေးနှုန်းချိုသာစွာဖြင့်လှည့်လည်ရောင်းချပေးလျက်ရှိ

ထားဝယ် နိုဝင်ဘာ ၅

ကိုဗစ်-၁၉ ကာလအတွင်း ထားဝယ်မြို့တနင်္သာရီတိုင်းဒေသကြီး သမဝါယမဦးစီးဌာန က ဝန်ထမ်းများ နှင့်ပြည်သူ များအား အခြေခံစားသောက်ကုန်များကို စျေးနှုန်းချိုသာစွာဖြင့်လှည့်လည်ရောင်းချပေးလျက်ရှိကြောင်းသိရှိရသည်။

“တနင်္သာရီတိုင်းဒေသကြီး သမဝါယမဦးစီးဌာနအနေနဲ့ ဒေသအတွင်းအခြေခံစားသောက်ကုန်များ စျေးနှုန်း သက်သာ ဝယ်ယူစားသုံးနိုင်စေရန်ဒေသအတွင်းနေထိုင်သောဝန်ထမ်းများ နှင့် ပြည်သူလူထုများအားစျေးနှုန်းသက်သာစွာ အခြေခံစားကုန်များ၏ဝယ်ယူနိုင်ရေး အတွက်စျေးကားအစီအစဉ်ဖြင့် လှည့်လည်ရောင်းချပေးခြင်းဖြစ်ပါတယ်၊ ဝယ်ယူ ရောင်းချနိုင်တဲ့ နေရာကတော့မြို့နယ်မှာဆိုရင် မြို့နယ်သမဝါယမအသင်းစုတွေမှာလက်လီလက်ကားဝယ်ယူရောင်းချနိုင်ပါ တယ်။ရပ်ကွက်ကျေးရွာတွေ့မှာဆိုရင် သမဝါယမအသင်းကုန်စုံဆိုင်ဖွင့်လှစ်ထားပြီးဝယ်ယူနိုင်ပါတယ်။ဝန်ထမ်းများအတွက် တနင်္သာရီတိုင်းဒေသကြီးသမဝါယမဦးစီးဌာနကနေတဆင့်ဌာနအရောက်ရောင်းချပေးခဲ့ပါတယ်။မြို့နယ်မှာဆိုရင်သမဝါယမ ဦးစီးဌာန ကနေတဆင့် ဝယ်ယူနိုင်ပါတယ်” ဟု တိုင်းဒေသကြီးသမဝါယမဦးစီးဌာန၊ ညွှန်ကြားရေးမှူးဦးကျော်စိုးမင်း က ပြောသည်။

သမဝါယမဦးစီးဌာန က ဒေသအတွင်း ဝန်ထမ်းများနှင့်ပြည်သူများအား ကြက်ဥတစ်လုံးလျှင် ၁၃၀ ကျပ်၊ ဇီယာဆန် (မော်လမြိုင်) ၁၂ ပြည်ဝင်တစ်အိတ်လျှင် ငွေကျပ် ၁၅၅၀၀၊ ပေါ်ဆန်းဆန်(မော်လမြိုင်) ၂၅၀၀၀ကျပ်၊ဇီယာဆန်(ဧရာဝတီ) ၁၅၅၀၀ ကျပ်၊ ပေါ်ဆန်းဆန်(ဧရာဝတီ)၂၆၀၀၀ ကျပ်၊ မြေပဲဆီသန့် တစ်လီတာလျှင် ၃၉၀၀ ကျပ်၊ ပုဇွန်ဆီသန့် တစ်လီတာ လျှင် ၃၀၀၀ ကျပ်၊ပုဇွန်ဆီသန့်နှစ်လီတာလျှင် ၅၉၀၀ ကျပ် ၊ကြက်သွန်ဖြူ/နီစသည့်တို့ကို သက်ဆိုင်ရာမြို့နယ်များအရောက် ဖြန့်ဖြူး ရောင်းချပေးလျက်ရှိရပြီး တိုင်းဒေသကြီးသမဝါယမဦးစီးဌာနအနေဖြင့် ပြည်သူများ၏ စားဝတ် နေရေးအထောက် အကူ ပြုစေရန် ဆက်လက်ဖြန့်ဖြူး ရောင်းချပေးသွားမည်ဖြစ်ကြောင်း သိရှိရသည်။

ဇင်ယော်(ထားဝယ်)