ကံမ ဇန်နဝါရီ ၂
မကွေးတိုင်းဒေသကြီး၊ သရက်ခရိုင်၊ ကံမမြို့နယ်တွင် (၇၄)နှစ်မြောက် လွတ်လပ်ရေးနေ့ အထိမ်းအမှတ် အားကစား ပြိုင်ပွဲများကို မြို့နယ်အားကစားကွင်း၌ ဇန်နဝါရီ ၂ ရက်မှ ဇန်နဝါရီ ၄ ရက်နေ့အထိ ကျင်းပပြုလုပ်သွားမည်ဖြစ်ကြောင်းသိရသည်။
အဆိုပါ အားကစားပြိုင်ပွဲများ ကျင်းပပြုလုပ်ရာတွင် မီတာ(၅၀) ကျား/မ အပြေးပြိုင်ပွဲ၊ မီတာ(၅၀) ကျား/မ အာလူးကောက်ပြိုင်ပွဲ၊ မီတာ(၅၀) ကျား/မ အိတ်စွတ် ပြိုင်ပွဲ၊ ပိုက်ကျော်ခြင်းပြိုင်ပွဲ၊ လွန်ဆွဲပြိုင်ပွဲ၊ ထုပ်ဆီးတိုးပြိုင်ပွဲ၊ခေါင်းအုံးရိုက်ပြိုင်ပွဲ၊ စားပွဲတင်တင်းနစ် ပြိုင်ပွဲ၊ စစ်တုရင်ပြိုင်ပွဲ၊ ချောတိုင်တက်ပြိုင်ပွဲများ ပါဝင်ပြီး ဇန်နဝါရီ ၂ ရက် နံနက် ၈ နာရီကစတင်ကျင်းပပြုလုပ်လျက်ရှိရာ မြို့နယ်စီမံအုပ်ချုပ်ရေးအဖွဲ့ဥက္ကဋ္ဌ ဦးအောင်ကိုထွန်းနှင့် အဖွဲ့ဝင်များ၊ ဌာနဆိုင်ရာအကြီးအကဲများက သွားရောက်ကြည့်ရှု အားပေးခဲ့ကြောင်း သိရသည်။
ကျော်ဇေယျဝင်း(ကံမ)
